- कञ्चनपुर ,फागुन ८ गते सनिवार ।।
- जनप्रभाव न्यूज
समुदाय-प्रहरी साझेदारी कार्यक्रम अन्तर्गत लागुऔषध दुर्व्यषनी तथा साईवर अपराध नियन्त्रणका लागि कञ्चनपुर प्रहरीले जनचेतनामूलक कार्यक्रम गरीरहेको छ ।
यसै क्रममा यता जिल्ला प्रहरी कार्यालय कञ्चनपुर र ईलाका प्रहरी कार्यालय झलारीले शुक्लाफाँटा नगरपालीकामा लागुऔषध नियन्त्रण तथा साइबर अपराध रोकथामकालागि जनचेतनामूलक कार्यक्रम गरेको हो ।
जिल्ला प्रहरी कार्यालय कञ्चनपुर र ईलाका प्रहरी कार्यालय झलारीको सयुक्त टोलिले बुधबार शुक्लाफाँटा नगरपालीका वडा नम्बर १ स्थित श्री सिद्ध बैजनाथ मा.बी बन्शाहमा सोही बिद्यालयमा कक्षा ११ र १२ मा अध्ययनरत विद्यार्थीहरु लगाय शिक्षक,शिक्षिका समेत १ सय २२ जनाको उपस्थितिमा लागुऔषध दुर्व्यषनी तथा साईबर अपराध सम्बन्धि जानकारी र सरोकारवाला निकायहरुको भूमिका र कानूनी प्रावधानका बारेमा जानकारी दिइएको थीयो ।
बुधवार ईलाका प्रहरी कार्यालय झलारीका प्रमुख प्रहरी निरीक्षक कर्ण बहादुर बोहराले विद्यालयका विद्यार्थीहरुलाई लागुऔषध नियन्त्रणबारे जागरुप गरिएको बताए । जनचेतनामूलक कार्यक्रममा विद्यार्थीहरुलाई लागुऔषधको असरबारे जानकारी गराइएको जिल्ला प्रहरी कार्यालय कञ्चनपुरको प्रमुख प्रहरी उपरीक्षक ( एसपी ) उमाप्रसाद चतुर्बेदीले जानकारी दिए ।
