- लहान,माघ ११ गते आइतबार ।।
- जनप्रभाव न्यूज
नेपाल भारत सिमानाकामा पर्ने नेपाली भूभागमा खोलिएका पसल तथा होटलका ब्यवसायीमाथी प्रहरीले अन्याय गरेको गुनासो छ । सिरहाका ठाँडी , झाँझपटी , बडहरी , कुसुण्डि , बरियारपटी , माडर लगायतका सिमावर्ती बजारका नेपाली ब्यापारीहहरुले प्रहरीले आफूहरुमाथी अन्याय गरेको गुनासो पोखेका हुन् ।
सिमा क्षेत्रका ब्यापारीहरुका अनुसार भ्याटबिल काटेर लहानबाट हुलाकी राजमार्ग कटाएर मालसामान ल्याउन प्रहरीले रोक लगाउँदै आएको छ ।
सिमाबर्ती हाटबजारका ब्यापारीले सिरहाको प्रमुख ब्यापारीक नाका लहानबाट होलसेल मुल्यमा मालसामान ल्याएर बेच्दै आएकाछन् ।
हुलाकी राजमार्ग कटाएर समान ल्याउन प्रहरीले रोक्ने गरेको छ , सिमाबर्ती बजार झाँझपटीका एक किराना ब्यापारी भन्छन् , भ्याटबिल काटेर ल्याएको समाना समेत रोक्ने गरेकाछन् ।
नेपालबाट नेपालमै भ्याटबिल काटेर समान खरिदबिक्रि र ढुवानी गर्न नपाउने यो कस्तो कानुन नियम हो ? ति ब्यापारीले प्रश्न गरे ।
२ कार्टुन भन्दा बढि सामान ल्याउन दिदैनन् , ति ब्यापारीले भने , मटर , छहडा २५ देखी ३० हजार मुल्य भन्दा माथीको लान दिदैनन् । यसरी हामीलाई घाटा हुने गरेको छ ।
बताईए अनुसार यहाँका सिमाबर्ती बजारका नेपाली ब्यापारीहरुले बढि मात्रामा लहानबाट मालसामान ल्याएर खुद्रा मुल्यमा बेच्ने गरेकाछन् ।
सीमा क्षेत्रका भारतीय बजारहरुले नेपाली ग्रहाक लक्षित ब्यापार गरिरहँदा नेपालतिरका ब्यापारीहरुलाई भने भारतिय ग्रहाक लक्षित ब्यापार गर्न प्रहरीले रोक लगाएको छ ।
भरततिरका ब्यापारीले दशगजामै जोडेर ठुलाठुला होलसेल पसल खोलेकाछन् , उनिहरुलाई भारतिय प्रहरीबाट कुनै रोकटोक छैन , ति ब्यापारीको गुनासो थियो , तर हामीले भारतिय ग्रहाक लक्षित होलसेल पसल खोल्न पाएका छैनौँ । प्रहरीले दशगजा वारी होलसेल पसलका लागि आबस्यक भारीमात्रामा मालसामान ल्याउन दिदैन , ल्यायो भने पक्रिएर भन्सारमा बुझाउँछ ।
सिमाबर्ती नेपाली ब्यापारीहरुले प्रहरीले हुलाकी राजमार्गबाट मालसामान ल्याउन नदिएर आफूहरुलाई भारतिय नागरिकको जस्तो ब्यवहार गरेको भन्दै चित् दुखाए ।
हामीले भ्याट दर्ता गरेर राज्यलाई कर तिरिरहेका छौँ , अर्का एक ब्यापारीको भनाई थियो , कर तिरेर भारतिय ग्रहाक लक्षित ब्यापार गर्न नपाईने यो कस्तो न्यायप्रणाली हो ? यो कस्तो नियम कानुन हो ? म यो सरकारलाई प्रश्न गर्न चहान्छु ।
यहाँका सिमाबर्ती बजारहरुमा चाईनिज ब्ल्याकेंट , चाईनिज मोबाईल , मटर , छहडा , सुपारी , मदिरा , म्याजिक चप्पल , चाईनिज जिन्सको पाईन्ट , जुत , नेपाली चुरोट , चाईनिज घडी , कोरियन पाईन्ट , पान गुट्खा , नेपाली ब्राण्डका चाउचाउ , सनफ्लावर तेल , पत्रक , ऐलैची , स्याउ , नास्पाती लगायत चाईनिज उत्पादन र नेपाली उत्पादनहरु पाईन्ट , भेष्ट , बिस्कुट , पानी लगायत सामाग्रीहरुको माग उच्च छ ।
सिमाक्षेत्रका भारतिय बजारमा ब्यापारीहरुले निर्बाध ब्यापार गरिरहँदा सिमाक्षेत्रका नेपाली हाटबजार भने सुनसानप्राय छ ।
लहानबाट भ्याटबिल काटेर समेत मालसामान ल्याउन नेपालका सुरक्षाकर्मीहरुले रोक लगाईरहँदा भारतिय बजारबाट भने निर्बाध रुपमा मालसामान नेपाल भित्रिरहेका हुन्छन् ।
एक ब्यापारी भन्छन् , कि सरकारले हामीलाई पसल खोल्ने अनुमती नै नदेओस् न त ? पसल दर्ता गर्न दिने , भ्याटको प्रमाणपत्र पनि दिने अनि ठुलै ब्यापार गर्छु भन्दा सामान ल्याउन नदिने ? यो त अन्याय भयो नि ।
मालबाहक ४ चक्के यातायातका सबारीसाधन हुलाकी राजमार्ग कटाउन पूर्ण रुपमा बन्देज गरिएको छ , ति ब्यपारीले भने , जबकि हुलाकी राजमार्गबाट दशगजाको दुरी कतै ४ किलो मिटर छ भने कतै ८ किलो मिटर सम्म छ ।
