सुनसरीमा प्रहरीले विदेशबाट आएका ७ सय भन्दा बढी फेला पार्याे

इनरुवा चैत २२ गते । कोरोना भाईरसको सक्रमण रोक्नका लागी गरिएको लकडाउनमा स्थल र हवाईमार्गबाट सुनसरी आएका ७ सय जना भन्दा बढी फेला पारेको छ । 

सुनसरी नेपाल भारत सिमानाका बन्द भएपछि खेत खोल्साखोल्सीको बाटो हुदै भारतबाट नेपालको भुमी प्रवेश गरि विभिन्न घर गाँउ टोलमा गएकाहरुको खोजी गर्ने क्रममा सुनसरी प्रहरीले सयौलाई क्वारेन्टाइनमा नबसेको फेला पारेको हो । 

भारत तथा अन्य मुलुकबाट सुनसरीको दक्षिणवर्ती भारतिय सिमाक्षेत्रबाट दैनिक जसो घर फर्कने र आश्रय लिन आफ्न्त वा चिनजानका मानिसहरुको घरमा आउने क्रम नरोकिदा सुनसरीमा कोरोना सक्रमणको उच्च जोखिम हुने खतरा देखिएको छ । 

सुनसरीका १२ वटै स्थानिय तहका वार्डका स्थानियहरुले लकडाउन पछि घर फर्केने र पाहुनाका रुपमा बाहिरबाट आएका नयाँ अनुहारको बारेमा प्रहरीलाई सुचना दिन थाले पछि एक साता भित्र प्रहरीले ६ सय ७३ जनालाई फेला पारेको छ । 

स्थलमार्गबाट आउनेको बारेमा स्थानियले दिएको सुचनाका आधारमा शुक्रवार दिउसो सुनसरीको भाण्टावारीबाट स्थानियले ५ जना लामो समय घरबाहिर बसी भारतको बाटोहुदै घर आएको सुचना दिएपछि उनीहरुको स्वाव परिक्षण गरि क्वारेन्टाईनमा राखिएको छ । 

बिहीवार राती गढी गाउपालिका घर भएका ३ जना भारतको दिल्लीबाट फर्किएर घर आएपछि छिमेकीहरुले प्रहरी मार्फत क्वारेन्टाइनमा राख्न पठाएका छन । 

यो सगै लकडाउन सुरु हुनु अगाडी र पछि खाडी तथा यूरोपका विभिन्न मुलुकबाट हवाईजहाज चढी आएका २४ जना काठमाण्डौहुदै सुनसरी आएको तथ्याङकका आधारमा खोजी गर्दा १९ जनालाई प्रहरीले आफन्तको घर र आफनै घरमा फेला पारेको छ ।