सिरहा चैत १८ गते मंगलबार । जिल्ला समन्वय समिति सिरहाको उप-सभापति सरोज कुमार यादवले रातदिन खट्ने नेपाल प्रहरी ,सशस्त्र प्रहरी बल , नेपाल आर्मी र राष्ट्रिय अनुसन्धान बिभागको अवस्थालाई पनि ध्यान दिनुपर्ने सुझाव दिनुभएको छ ।


उप- सभापति यादवले रातदिन खट्ने नेपाल प्रहरी , सशस्त्र प्रहरी बल , नेपाल आर्मी र राष्ट्रिय अनुसन्धानको अवस्था निकै नाजुक रजोखिमपूर्ण भएको भन्दै उनीहरको अवस्थालाई पनि ध्यान दिनुपर्ने सुझाव दिनुभएको हो ।

उहाँले सरकारलाई सुझाव दिँदै ‘कोरोनाविरूद्ध न्यूनतम सुरक्षाबन्दोबस्तीको अभाव र खानपीन तथा सेवासमयको अनिश्चितताबीच नेपाल प्रहरी , सशस्त्र प्रहरी बल , नेपाल आर्मी र राष्ट्रिय अनुसन्धान बिभाग कहिलेसम्म खट्लान् ?’ भनेर प्रश्न गर्नुभएको छ ।

सरकारले नेपालमा फ्रान्सबाट आएकी १९ वर्षीया युवतीमा कोरोना भाइरस सङ्क्रमण देखिएपछि अरुलाई नसरोस् भनेर मंगलबार बिहान ६ बजेदेखि चैत २६ सम्मका लागि मुलुकभर लकडाउन गरेको छ ।

उक्त लकडाउकाे पूर्ण रूपमा पालना गराउनकाे लागि देशैभर नेपाल प्रहरी , सशस्त्र प्रहरी बल, नेपाल आर्मी र राष्ट्रिय अनुसन्धान बिभाग खटिएका छन् ।

विश्वभर सन्त्रास फैलाइरहेको कोरोना भाइरस (कोभिड- १९) विरुद्ध अहिले नेपालको अवस्था जस्तो छ, करिब १ महिना अगाडि इटालीको अवस्था पनि त्यस्तै थियो । सरकारले हरेक ठाउमा बन्दी गरेको थियो, मानिसलाई काम नपरी बाहिर ननिस्किन भनेको थियो, साबुनपानीले हात धुन, मास्क लगाउन भनेको थियो, भेला नहुन भनेको थियो, घर भित्रै बस्न भनेको थियो ।

तर अहिले हामीले कोरोना भाइरसलाई जस्तो सामान्य सोचेका छौँ, उनीहरुले पनि त्यस्तै सामान्य सोचेर सरकार लाई टेरेनन्, बाहिर निस्किन र हिंड्न छोडेनन्, भेला हुन छोडेनन्। अब अहिले हेर्नुस् इटालीको हालत कस्तो छ, हरेक दिन ५/६ सय मानिसहरुले ज्यान गुमाइरहेका छन, भाइरसका कारण मर्नेको संख्या केही दिनको अवधिमै ७८०० भन्दा बढी पुगिसकेको छ।

पछिल्लो २४ घन्टामा मात्रै ७५० जना जतिले ज्यान गुमाएका छन। सजिलो छैन यो मरण, तपाइलाई कोरोना लाग्यो भनेर थाहा पाउने बित्तिकै परिवारसंग भेट्न दिइदैन। मरेपछि पनि घर लैजान दिदैन। १ जनालाई लागिहाल्यो भने फैलिन धेरै समय लग्दैन, नेपाल सानो देश, त्यसमाथि हामीसंग कुनै प्रविधि छैन, त्यसैले हामी र हाम्रो देश सखाप हुन कत्ति पनि समय लाग्दैन।


अहिले हाम्रो सरकारले पनि हामीलाइ धेरै सुझावहरु दिईराखेको छ, तर हामीले त्यसलाई मजाकमा लिइरहेका छौ, यस्तै गर्यौ भने हाम्रो हालत पनि इटालीको जस्तो नहोला भन्न सकिँदैन। त्यसैले हामी पनि अहिल्यैबाट सचेत होऔँ। जथाभावी बाहिर ननिस्कौ।

लकडाउनको पूर्ण पालना गरौँ । बेलाबेलामा साबुनपानीले हात धोऔ र आफुले समातेका बस्तुहरुमा कुनै जीवाणु छैनन् भन्ने निश्चित होऔ। मास्कको प्रयोग गरौ । अत्यावश्यक सामान किन्न जाँदा कम्तीमा ३ फिटको दूरी कायम गरौं । आफू, आफ्नो परिवार, समुदाय र देशलाई कोरोनाभाइरसको संक्रमणबाट बचाउन जिम्मेवार बनौं । घरमै बसौं ।

आफू पनि सुरक्षित रहौँ र अरुलाई पनि सुरक्षित हुन निर्देशन दिऔ। एक असल र अनुशासित नागरिकको परिचय दिऔँ । नत्र भने हामी नेपालीको अस्तित्व पनि संकटमा छ।