• काठमाडौं,पुस ३ गते शुक्रबार ।।
• जनप्रभाव : सम्बादाता

गृहसचिव महेश्वर न्यौपानेलाई कोरोना संक्रमण पुष्ठि भएको छ । उनी केही दिनअघि मात्र तीनै वटा सुरक्षा निकायका प्रमुखलाई लिएर तराई भ्रमणमा गएका थिए ।

नेपाल प्रहरीका महानिरीक्षक शैलेश थापा, सशस्त्र प्रहरीका शैलेन्द्र खनाल र राष्ट्रिय अनुसन्धान विभागका प्रमुख गणेश अधिकारीलाई लिएर तराईका निरीक्षण भ्रमणमा गएका थिए । साथै सोमबार चितवनमा सशस्त्र प्रहरीको गुल्मको समेत उद्घाटन गरेका थिए । जसमा गृहमन्त्री रामबहादुर थापा बादल समेत थिए।

जसकारण तीनै आईजिपी र गृहमन्त्री समेत ट्रेसिङमा परेका छन् । तर, उनीहरु क्वारेन्टाइनमा नबसेको स्रोत बताउँछ । गृह मन्त्रालयका अधिकांश कर्मचारीलाई यसअघि नै संक्रमण भइसकेको छ ।