• काठमाडौं : मङ्सिर ८ गते सोमबार ।।
• जनप्रभाब : सम्बादाता

नेपाली कांँग्रेसका तर्फबाट समानुपातिक सांसद मोहन पाण्डेले पद तथा गोपनियताको शपथ लिनुभएको छ ।

आज संसद सचिवालयमा सभामुख अग्निप्रसाद सापकोटेबाट पाण्डेले पद तथा गोपनियताको शपथ लिनु भएको हो । प्रतिनिधिसभा सदस्य सूर्यबहादुर केसीको कात्तिक १७ गते निधन भएपछि रिक्त रहेको पाण्डे नियुक्त हुनुभएको हो ।

सपथपछि सांसद पाण्डेले संसदमा प्रतिपक्षिको भूमिकालाई शसक्त बनाउन लागिपर्ने बताउनुभयो । त्रिभुवन विश्वविद्यालयबाट व्यवस्थापनमा स्नातक गर्नुभएका पाण्डे पहिलो संविधानसभा सदस्य पनि हुनुहुन्थ्यो । त्यतिबेला उहा स्याङ्जा क्षेत्र नम्बर ३ बाट निर्वाचित हुनुभएको थियो ।