• काठमाडौं : कार्तिक २९ गते सनिवार ।।
• जनप्रभाब न्यूज

नेपाल कम्युनिस्ट पार्टी ( नेकपा ) का अध्यक्ष एवम् प्रधानमन्त्री केपी शर्मा ओलीका प्रेस सल्लाहकार सूर्य थापाले पार्टीका कार्यकारी अध्यक्ष पुष्पकमल दाहाल ‘प्रचण्ड’ले सचिवालय बैठकमा प्रस्तुत गरेको राजनीतिक प्रस्ताव फिर्ता लिन माग गरेपछि स्तम्भकार दिल निशानी मगरले प्रतिवाद गरेका छन् ।

सूर्य थापाको फेसबुक स्टाटस

सामाजिक सञ्चालमार्फत थापाले प्रचण्डको प्रस्ताव विधि विपरित आएकाले फिर्ता लिनुपर्ने माग गरेका थिए । त्यसको जवाफमा स्तम्भकार मगरले लेखेका छन्, ‘अध्यक्ष प्रचण्डको राजनीतिक प्रस्ताव प्रम केपी ओलीको ट्विटरमा तपाईँले आफ्नै निजी मनका भावनाहरु लेखेरपछि डिलिट गरे जस्तो कहाँ हो र, सूर्य थापाजी ?’

दिल निशानी मगरको जवाफ

केहीदिनअघि प्रधानमन्त्रीको आधिकारीक ट्विटर ह्याण्डिलबाट थापाले व्यक्तिगत सन्देश सार्वजनिक गरेर डिलिट गरेका थिए । उनले भुलबस डिलिट भएको प्रष्टिकरण दिइसकेका छन् । तर, सामाजिक सञ्जालमा थापाको तीव्र विरोध भएको थियो ।

शुक्रबार बसेको नेकपा सचिवालय बैठकमा पार्टीका कार्यकारी अध्यक्ष प्रचण्डले ओली प्रवृत्तिको सैद्धान्तिककरण गरेर व्याख्यासहितको राजनीतिक प्रस्ताव पेश गरेका थिए । यो प्रस्ताव सार्वजनिक भएपछि ओली निकट नेताहरुले फिर्ताको माग गरेका छन् । देश र पार्टीकै लागि पनि ओली प्रवृत्तिको चिरफार आवश्यक भएकोमा अध्यक्ष प्रचण्डले प्रस्तावमै जोड दिएका छन् ।