- सिरहा : कार्तिक २२ गते सनिवार ।।
- जनप्रभाब न्यूज
प्रहरी नागरिकको भरोसा । तर कपितय सन्दर्भमा प्रहरीले शान्ति सुरक्षा,सुशासन कायम गर्न नसकेको भन्ने आरोप लागिरहँदा सप्तरी प्रहरीले भने जिल्लाबासीको मन जितेर जिल्लाभर शान्ति सुरक्षा अमनचयन कायम गर्न सफल भएको स्वयं सप्तरीबासीलेनै बताउने गरेका छन् ।
बिशेष सुरक्षा योजना लागू गरेर चाडबाड लक्षित सुरक्षा ब्यवस्था भरपर्दो मिलाएपछि कुनै अबान्छित गतिबिधि नभएको पनि सप्तरी प्रहरीले जनाएको छ ।
गुण्डागर्दीको आडमा सर्वसाधारणलाई दुख दिने प्रवृत्ति पनि प्रहरीको सक्रियताका कारण निस्तेज भएको भन्दै सप्तरीबासीले जिल्ला प्रहरी नेतृत्वको खुलेर प्रशंसा गर्ने गरेका छन् ।
जिल्ला प्रहरी प्रमुख भएर प्रहरी उपरिक्षक राजेन्द्र धमला आएपछि शान्ति सुरक्षामा कुनै कमी नभएको स्थानीयबासी बताँउछन् ।
अब नजिकिंदो तिहारमा पनि प्रभावकारी रुपमा शान्ति सुरक्षाको प्रबन्ध मिलाईको जिल्ला प्रहरी प्रमुख प्रहरी उपरिक्षक धमलाले जानकारी दिए ।
सरकारको नीति निर्देशन,आम नागरिकको अपेक्षा अनुसार आफ्नो नेतृत्वमा प्रहरी जनताको सेवामा खटिएको पनि धमलाले बताए ।
