• काठमाडौं : कार्तिक २० गते बिहिवार ।।
• जनप्रभाब न्यूज

नेपाल कम्युनिस्ट पार्टी ( नेकपा ) का अध्यक्ष एवम् प्रधानमन्त्री केपी शर्मा ओलीले आफूलाई केहिले पदबाट हटाउने प्रयन्त गरिहेको बताउनुभएको छ । प्रधानमन्त्री ओलीले देशलाई अस्थिरतातिर धकेल्न खोज्ने आदत भएकाहरुले पदबाट हटाउन खोजेको आरोपसमेत लगाउनुभयो । यद्यपि उहाँले पदबाट कदापी राजीनामा नदिने बताउनुभएको छ ।

आज मनमोहन सेन्टर एनेक्सको भवनको उद्घाटन कार्यक्रममा बोल्दै आफूले प्रधानमन्त्रीबाट राजीनामा दिए देश बरबादीतर्फ जाने दावी गर्दै पदबाट नहट्ने बताउनुभयो ।

प्रधानमन्त्रीले राजीनामा दिने अरे भन्ने हल्लाको पछिाडि नलागी आफ्नो कमामा केन्द्रीत हुन आह्वानसमेत गुर्न भएको छ । कार्यक्रममा बोल्दै प्रधानमन्त्री ओलीले भन्नुभयो, ‘अहिले मैले राजीनामा दिन मिल्छ ? मेराे लागि हाेइन, देश र जनताकाे लागि हाे, मैले राजीनामा दिनु भनेको देशलाई बर्बादीतिर जान दिनु हो । म राजीनामा दिनेवाला छैन।’

उहाँले आफू प्रधानमन्त्री पदमा जालझेल र तिक्डमबाट नभइ जनताको आवश्यकता र व्यापक समर्थनबाट पुगेको बताउनुभयो । पार्टी भित्रका आन्तरिक किचलोका कारण प्रधानमन्त्री ओलीसँग अर्का अध्यक्ष पुष्पकमल दाहाल प्रचण्डका साथै बरिष्ठ नेताहरु असन्तुष्ट रहनुभएको छ ।

कर्णाली प्रदेशका मुख्यमन्त्रीबिरुद्ध अबिस्वास प्रस्ताबकाे प्रयास र सरकारी निवास वालुवाटारमा केही दिनअघि भारतीय गुप्तचर निकाय रअका प्रमुखसँग गोप्य भेट गरिपछि नेताहरू प्रधानमन्त्री ओलीसँग रुष्ट बन्नुभएको छ । नेताहरुमा बढेको असमझदारीका कारण पार्टी एकता नै संकटमा पर्ने खतरा बढेकाे छ ।