एपीएफ टोलीद्वारा उद्वार

• मकवानपुर ,असोज १० गते सनिवार ।।
• जनप्रभाब – सम्बादाता

मकवानपुर जिल्लाको मनहरी गाउँपालिका वडा नम्बर -७ स्थित मनहरी बजारमा रहेको पार्टि प्यालेशको ईनारमा डुवेर मृत्यु भएका दुई जनाको शव एपीएफ टोलीले आज सो ईनारबाट बाहिर निकालेको छ ।

सोही पार्टि प्यालेशका संचालक ३० वर्षिय सुरेश साह र १६ वर्षिय उत्सव नेपाली ईनार सफा गर्ने क्रममा उक्त ईनारमा डुवेका थिए । सो घटनाबारे जानकारी पाउनासाथै सशस्त्र प्रहरी बल, नेपाल आईआरटी पोष्ट मनहरीबाट एपीएफ टोली उनीहरुको उद्वारको लागि तत्कालै त्यस ठाउँमा खटिएको थियो ।

उनीहरुसँगै ईनार सफा गर्न गएका ३० वर्षिय आनन्द लो भने घाईते अवस्थामा बाहिर निस्कन सफल भएका थिए । उनलाई उपचारको लागि जिल्ला अस्पताल हेटौडातर्फ पठाईएको छ ।

यसैगरी पाल्पा जिल्लाको रम्भा गाउँपालिका २ बेलौजामा पहिरोले पुरिएर बेपत्ता भएका तीन जनाको शव शुक्रबार दिउँसो फेला पारिएको छ ।

असोज ८ गते गएको पहिरोले दुई वटा घर पुरिदा पाँच जना बेपत्ता भएका थिए । सो घटनाबारे जानकारी पाउनासाथै सशस्त्र प्रहरी बल, नेपाल नम्बर ३५ गुल्म पाल्पाबाट खटिएको एपीएफ टोलीले उनीहरुको शव फेला पारेको हो । बेपत्ता अन्य दुई जनाको खोजीकार्य भईरहेको छ ।

यसैगरी म्याग्दी जिल्लाको बेनी नगरपालिका १० नेपाने धैरेनी भन्ने स्थानमा अविरल वर्षाको कारण पहिरो गई उच्च जोखिममा परेका १२ घर परिवारलाई एपीएफ टोलीले असोज ८ गते सुरक्षित स्थानमा सारेको छ । सो बारे जानकारी पाउनासाथै सशस्त्र प्रहरी बल, नेपाल आश्रित गुल्म म्याग्दीबाट खटिएको एपीएफ टोलीले उनीहरुलाई सुरक्षित स्थानमा सारेको हो ।

गाँजासहित दुई जना पक्राउ

बारा जिल्लाको करैया गाउँपालिका २ स्थित करैया गाउँबाट असोज ८ गते एपीएफ टोलीले करीव पाँच केजी गाँजासहित दुई जनालाई पक्राउ गरेको छ । पक्राउ पर्नेहरुमा सोही जिल्लाको कलैया उपमहानगरपालिका २ दोहोरी बस्ने २५ वर्षिय रविन्द्र राम र १९ वर्षिय राजकुमार राम छन् । ना ४७ प ८२१ नम्बरको मोटरसाईकलमा सवार उनीहरुलाई सशस्त्र प्रहरी बल, नेपाल नम्बर १२ गण बाराबाट खटिएको एपीएफ टोलीले शंका लागि जाँच गर्दा उनीहरुको साथमा उल्लेखित गाँजा फेला परेपछि पक्राउ गरिएको हो । त्यसवेला एपीएफ टोलीले उनीहरुको साथबाट ५ लाख ६८ हजार रुपैयाँ र दुई वटा मोवाईल सेट समेत बरामद गरेको छ । एपीएफ टोलीले पक्राउ परेकाहरुलाई बरामद गाँजा तथा रुपैयाँ र मोवाईसहित आवश्यक कारवाहीको लागि स्थानीय प्रहरीमा बुझाईएको छ ।

भारतीय रुपैयाँ बरामद

झापा जिल्लाको मेचीनगर नगरपालिका ६ स्थित सीमा ईलाकाबाट असोज ८ गते एपीएफ टोलीले एक लाख भारतीय रुपैयाँ बरामद गरेको छ । उक्त भारतीय रुपैयाँ सशस्त्र प्रहरी बल, नेपाल बोर्डर आउट पोष्ट काँकडभिट्टाबाट खटिएको एपीएफ टोलीले बरामद गरेको हो । भारतबाट नेपालतर्फ आउँदै गरेका व्यक्तिले एपीएफ टोलीलाई देख्नासाथै उनीहरुले बोकेको झोला सोही ठाउँमा छाडी फरार भएपछि उक्त झोलामा जाँच गर्दा उल्लेखित भारतीय रुपैयाँ फेला परेकोे हो । बरामद भारतीय रुपैयाँ स्थानीय भन्सार कार्यालयमा बुझाईएको छ ।