स्थानीय नवल चौधरीले गरेका थिए सिफारिस , कारवाही हुन्छ रौतहटका सिडियो

• काठमाडौं ,भदौ २५ गते बिहीबार ।।
• जनप्रभाब – सम्बादाता

नक्कली नागरिकता लिएको आरोपमा पक्राउ परेका भारतीय मुलका व्यापारी बिके वोस (विप्लव कान्ति बोस)ले हेटौडा ४ गर्दौइमा डेरी उधोग संचालन गर्दे आएका छन् ।

नक्कली नागरिकताकै आधारमा हेटौडा ४ गर्दोइमा ८ कठ्ठा जग्गामा रहेको नारायणी मिल्क प्रालि उधोग खरिद गरि संचालन गर्दे आएका छन् । यस उधोगले फन आइसक्रिम तथा फन प्याकेट दुध उत्पादन तथा विक्री वितरण गर्दे आएको छ । उनले संचालन गर्ने गरेको उधोगले पटक पटक न्युन गुणस्तरीय दुध तथा डेरी जन्य पदार्थ विक्री गरेको भन्दै गुणस्तर विभागले कारवाहीको सिफारिस समेत गरेको थियो ।

भारतीय उधोगी वोसले नक्कली कागजपत्र पेश गरि ०६३ साल चैत्र ६ गतेको मितिमा रौतहट जिल्लाको वडहर्वा गाउपालिका ५ नं वडावाट वुवाको नाम निखिल उल्लेख गरि नागरिकता लिएका हुन् ।उनले लिएको नागरिकतामा जन्मको आधारमा भनी उल्लेख गरिएको छ । उनले जन्म भएको ४७ वर्ष पछि नागरिकता लिनुले पनि किर्ते गरि नागरिकता लिएको पुष्टीहुने प्रहरीले जनाएको छ ।

जन्मको आधारमा नागरिकता लिन वुवा तथा आमा पनि लामो समयदेखि नेपाल वस्नु पर्ने भएपनि भारत वंगाल स्थाइ घर भएका बोस ०५५ साल ताका ग्लोवल राइटिग सिष्टममा ओभरसियरका रुपमा नेपाल आएका थिए । सो पछि सुपरलेमिकोट्स मा उधोग म्यानेजरका रुपमा कार्यरत रहदै आएका थिए । नेपाल आएपछि शुरुवाटनै हेटौडामा वसोवास गरेका बोस ०६३ सालमा भने रौतहट जिल्लावाट किर्ते कागजपत्र पेश गरि नागरिकता लिन सफल भएका थिए ।आफु रौतहट वडहर्वाकै स्थानीय भएको भ्रम छर्न उनले सो स्थानमा केही जग्गा पनि खरिद गरिएको वताइएको छ ।

नागरिकता सिफारिस गर्ने नवल चौधरी

यसै विच बोसको नागरिकता लिन तत्कालीन नेपाली काग्रेस वडहर्वा गाउपालिकाका प्रतिनिधी नवल चौधरीले सिफारिस गरेको खुल्न आएको छ । आफुले स्थानीय व्यक्तिहरुले यसै स्थानको हो भनेको कारण नागरिकता वनाउन टोली समक्ष सिफारिस गरेको चौघरीले बताए । मैले पैसा लिएर होइन गाउलेहरुले भनेको आधारमा नागरिकता दिन सिफारिस गरेको हु उनले टेलिफोनमा भने । यसो त नागरिकता पाएपछि बोसले खरिद गरेको जमिनमा पनि उनै चौधरीले खेती लगाउदै आएका छन् ।

छानविन हुदै छ:- रौतहट सिडियो

यस सम्वन्धमा रौतहटका प्रमुख जिल्ला अधिकारी इन्द्रदेव राय यादवले किर्तै नागरिकताको आधारमा पक्राउ गरिएको आफुलाइ जानकारी आएको वताउनु भयो । उनको छानविन भइरहेको छ , केही दिनमा छानविन गरेपछि वास्तविकता थाहा हुने प्रमुख जिल्ला अधिकारी यादवले टेलिफोनमा वताउनु भयो ।