संजय विश्वकर्मा
लहान , भदौ ८ गते सोमबार ।

कुनै न कुनै प्रकारले निरन्तर समाजको बिपन्नवर्गलाई सेवा गर्दै आउनु भएका म. सं. जोडीले आईतवार जन्मदिनको अवसरमा एकजना एकल महिलालाई ग्यास चुल्हो सहयोग गरेको छ ।
लहान नगरपालिका वडा नम्बर – ७ मा चिया पसल संचालन गरि जिविको पार्जन गरिरहेकी ७४ बर्षिय छोबी देबि बंगालीलाई सो सामग्री सहयोग गरेको हो ।
नेपाल महिला संघकि केन्द्रिय सदस्य समेत रहनुभएकी संगिता कर्माचार्यको जन्मदिनको अबसरमा उक्त सहयोग गरेको जोडिद्व्यले बताएका छन् ।
केहि दिन अधि मेरो पसलमा चोरी भयो चोरले ग्यास चुल्हो र सिलिन्डर सबै लग्यो म सार्है चिन्तित थिए पीडित बंगाली बताईन् ।
मेरो गुजारा गर्ने चिया पसल बाहेक केही छैन , कठघरामा चियापसल संचालन गरि गुजारा चलाउदै आईरहेको उनी बताउछिन् ,´संगिता म्याडमले मलाई चुल्हो र ग्यास सिलिन्डर सहयोग गर्यो म धेरै खुसी भएको छु उनले बताए । ´ एक छोरा एक छोरी रहेकी बंगालीको छोरा श्रीमति लिएर भारतमा बसेको छ भने छोरी बिहे भई ससुरालीमा बस्दै आईरहेको छ । उनी एक्लै लहानको कर कार्यालय नजिक राष्ट्रिय बाणिज्य बैंकको जग्गामा चियापसल संचालन गरि जीवन निर्वाह गर्दै आईरहेकी छिन् ।