काठमाडौं । नेपाल प्रहरीमा ४,७३५ जनशक्ति खाली
नेपाल प्रहरीमा ४ हजार ७३५ जनशक्ति खाली रहेको छ।
आइतवार प्रहरी मुख्यालयमा आयोजित पत्रकार सम्मेलनका क्रममा यसबारे जानकारी गराइएको हो। पत्रकार सम्मेलनमा बोल्दै प्रहरी प्रवक्ता प्रहरी नायव महानिरीक्षक विनोद घिमिरेले नेपाल प्रहरीको कुल दरबन्दी ७९ हजार ५४१ रहेको र अहिले ५.९५ प्रतिशत जनशक्ति खाली रहेको बताए।
विद्यमान जनशक्ति ९४.०५ प्रतिशत (७४ हजार ८०६ रहेको पनि बताए। सिनियर अफिसरहरूको जनशक्ति २.८४ प्रतिशत रहेको र प्रहरी वरिष्ठ नायव निरीक्षक, प्रहरी नायव निरीक्षक, प्रहरी सहायक निरीक्षकको कुल जनशक्तिमध्ये १५.३५ प्रतिशत रहेको बताए।
उनले भने, ‘नेपाल प्रहरीको कुल दरबन्दी ७९ हजार ५४१ हो। अहिले ४ हजार ७३५ खाली छ। विद्यमान जनशक्ति ९४.०५ प्रतिशत (७४ हजार ८०६ रहेको छ। सिनियर अफिसरहरूको प्रतिशतमा गणना गर्दा प्रहरी महानिरीक्षकदेखि, प्रहरी निरीक्षकहरु गणना गर्दा २.८४ प्रतिशत रहेको छ। प्रहरी वरिष्ठ नायव निरीक्षक, प्रहरी नायव निरीक्षक, प्रहरी सहायक निरीक्षकको कुल जनशक्तिमध्ये १५.३५ प्रतिशत रहेको छ।’
उनका अनुसार तल्लो आधारभूत प्रहरी वरिष्ठ हवल्दारदेखि प्रहरी कार्यालय सहयोगीसम्म ८१.८१ प्रतिशत जनशक्ति रहेको छ।
