काठमाडौं । इलाम–२ को उपनिर्वाचनबाट निर्वाचित प्रतिनिधि सभा सदस्य सुहाङ नेम्वाङले हरेक मतदाताको एक–एक मतको सम्मान गर्ने बताउनुभएको छ ।
मंलबार प्रतिनिधि सभा सदस्य निर्वाचित भएको प्रमाणपत्र ग्रहण गरेपछि आयोजित कार्यक्रममा बोल्दै नेम्वाङले नागरिकको हरेक मतको सम्मान गरेर अघि बढ्ने बताउनुभयो । उहाँले आफ्ना पिता सुवासचन्द्र नेम्वाङले देखाएको उज्यालो बाटो समाएर अघि बढ्ने प्रतिवद्धता व्यक्त गर्नुभयो । ‘तपाईँहरूको शीर कहिल्यै पनि झुक्न दिने छैन’, उहाँले भन्नुभयो ।
इलामको विकास गर्न सबैको सल्ला सुझाव लिएर अघि बढ्ने उहाँले बताउनुभयो । ‘यहाँहरूकै सल्लाह, सुझाव लिएर, तपाईँहरुकै भावना अनुसार चल्ने छु’, उहाँले भन्नुभयो ।
कार्यक्रम इलामका जिल्ला न्यायाधीश एवं मुख्य निर्वाचन अधिकृत केशवप्रसाद घिमिरे निर्वाचन आयोगले छोटो अवधिमा नै निर्वाचनको काम सम्पन्न गर्न जिम्मेवारी दिएको भए पनि कुनै त्रुटि नहोस् भनेर काम गरेको बताउनुभयो ।
सबैको समन्वयकारी भूमिकाको कारण निर्वाचन सफलतापूर्वक सम्पन्न भएको उहाँले बताउनुभयो । यसको लागि उहाँले सबैलाई धन्यवाद दिनुभयो ।
