लहान । सिरहामा होली पर्वका अवसरमा सोमवार जिल्ला प्रहरी कार्यालय सिरहाले नियमविपरित चल्ने सवारी साधन कारबाहीमा परेका छन् ।
जिल्ला प्रहरी कार्यालय सिरहाका प्रमुख एसपी सन्तोष आचार्यका अनुसार नियम विपरीत चलाएका १ सय ६६ वटा सवारी साधन नियन्त्रणमा लिइएको जानकारी दिनुभयो ।
जिल्लाका विभिन्न स्थानमा दिनभर गरिएको सवारी चेकजाँचका क्रममा ती सवारी साधन नियन्त्रणमा लिएर आवश्यक कारबाही गरिएको उहाँले बताउनुभयो । उहाँका अनुसार हेलमेट नलगाएर मोटरसाइकल चलाउने,तीन जना राखेर मोटरसाइकल चलाउने , मादक पदार्थ सेवन गरी सवारी चलाउने र तीब्र गतिमा चलाउने १ सय ६६ वटा सवारि साधन कारबाहीमा परेका छन् ।
कारबाहीमा पर्नेमा मोटरसाइकल रहेको उहाँले बताउनुभयो । होलीको समयमा सोमवार जिल्लामा हुन सक्ने दुर्घटना न्यूनीकरणका लागि विभिन्न स्थानमा प्रहरी र ट्राफिक प्रहरी परिचालन गरिएको थियो ।
