सिरहा । सिरहामा कटुवा पेस्तोलसहित एक युवकलाई प्रहरीले पक्राउ गरेको छ । सिरहा नगरपालिका– ७ स्थित औरही गाउँपालिका– ४ कमलपुर का २० वर्षीय सरोजकुमार यादवलाई एक थान कटुवा पेस्तोलसहित प्रहरीले पक्राउ गरेको हो ।
वडा प्रहरी कार्यालय सिरहाबाट खटिएको टोलीले सिरहा– ७ मा डेरा गरी बस्ने औरही गाउँपालिका– ३ का २२ वर्षीय सन्जितकुमार यादवसँग विवाद भएको खबर पाएपछि प्रहरीले विवादमा संलग्न सरोजलाई नियन्त्रणमा लिई तलासी गर्दा उनको साथबाट उक्त पेस्तोल फेला परेकाले निजलाई पक्राउ गरिएको प्रहरीले जनाएको छ ।
पक्राउ परेका यादवलाई सिरहा जिल्ला अदालतबाट सात दिनको म्याद लिएर जिल्ला प्रहरी कार्यालय सिरहाबाट थप अनुसन्धान भइरहेको जिल्ला प्रहरी कार्यालय सिरहाले जनाएको छ ।
फेसबुकबाट तपाईको प्रतिक्रिया !