लहान । सशस्त्र प्रहरी बल नेपाल नं.७ गण हे.क्वा.का गणपती सशस्त्र प्रहरी उपरीक्षक ( एसपी ) शिव प्रसाद गैह्रेले तस्कर विरुद्ध कठोर रुपमा प्रस्तुत भएका छ्न । नेपाल र भारत सिमा खुला रहेको हुदा तस्करहरु सक्रिय भएको सूचना पाउने बितिकै एसपी गैह्रेले कडा निगरानी बढाएका छन् ।
एसपी गैह्रेले बिओपि इन्चार्जहरुलाई नि तस्कर विरुद्ध खरो उत्रिन समेत निर्देशन दिएका छ्न । सशस्त्र प्रहरी उपरीक्षक शिव प्रसाद गैह्रे तस्कर विरुद्ध कठोर बन्न निर्देश दिएपछि सशस्त्र प्रहरीले सीमानाकादेखि सहरसम्म तस्करमाथि निगरानी बढाएपछि पछिल्लो समय दैनिकजसो तस्कर र तस्करीका सामान पक्राउ पर्दै छ ।
भन्सार छलेर भित्र्याइएका सामान र सामान बोक्न प्रयोग गरिने सवारीसाधन र मानिस प्रहरीको नियन्त्रणमा आउने गरेका छन् । पछिल्लो समय तस्करीमा संलग्न भागेकाले नियन्त्रणमा लिन नसकेको जवाफ सशस्त्र प्रहरी सिरहाबाट बिरलै आउँछ ।
‘अहिले बोर्डरको दृश्य देख्दा पत्यार लाग्दैन, यहाँ सुशासनको राज फर्किएको छ,’ सिरहाका स्थानीय प्रविन चौधरीले भने, ‘साँझ परेदेखि बिहानसम्मै वारिपारि सामान ल्याउने पुर्याउने क्रम ठ्यापै रोकिएको छ ।’
सिरहा जिल्लाहरुबाट माध महिना नबितिदै ४३ लाख ३८ हजार १ सय १० रुपैया र कार्तिक देखी माध सम्म २ करोड ७६ लाख ५ हजार २३ रुपैया बराबरको मालसमान नियन्त्रणमा लिइएको सशस्त्र प्रहरी बल नेपाल नं.७ गण हे.क्वा सिरहाले जनाएको छ ।
सशस्त्र प्रहरी उपरीक्षक प्रविन गैह्रेको निर्देशनले सीमाबाट हुने अवैध कारोवारहरुमा पक्कैपनि कमी आउने गरेको बिश्वास लिइएको छ ।
यता सशस्त्र प्रहरी बल नेपाल नं. ७ गण हे.क्वा सिरहाका प्रमुख गणपतीले आफ्नो कार्यकालमा कुनै किसिमको अवैध क्रियाकलाप गर्ने गिरोहलाई बढावा नदिने बताउनु भएको छ । नेपाल र भारतको सीमा नाका खुल्ला भएको कारण अवैध तरिकाले आयात निर्यात हुने गरेको कार्यलाई पूर्ण रुपले ठप्प पार्न नसकिने भएपनि आफ्नो प्रयास न्यूनिकरण गर्नमा कुनै कसर बाकी नराखिने एसपी गैह्रेले बताए । उनले यस अनलाईन सग कुरा गर्दै अगामी दिनमा पनि जिल्ला सिरहाका मातहातमा रहेका बिओपीहरुले अवैध क्रियाकलाप गर्ने संगठनहरु सग कुनै सहकार्य नगरी यस्तै कार्य गरिरहने बिश्वास व्यक्त गर्नुभयो ।
नेपाली नागरिकको हैसियतले सीमा सुरक्षाका साथ साथै अवैध क्रियाकलापलाई न्यूनिकरण गर्नु हामी सबैको दायीत्व रहेको कारण हामी सबै नेपाली नागरिक यसमा बिशेष ध्यान दिनुपर्ने,एसपी गैह्रेले बताए । उनका अनुसार सीमा वारी हुने गरेको अवैध कृयाकलापलाई ध्यानमा राखी सबै किसिमको गतिविधिमा कहि कतैबाट त्रुटी देखिए तुरुन्तै स्थानीय सशस्त्र प्रहरी बल नेपाललाई खबर गरेर सहयोग गर्नु हुन अनुरोध समेत गरे ।
सशस्त्र प्रहरी बल नेपाल सिरहाको प्रमुख जिम्मेवारी सीमा सुरक्षा रहेको कारण यसमा चुक नगर्न आफ्नो मातहातका कर्मचारीलाई निर्देशन समेत दिइएको उनले बताए ।
कानुनले निषेध गरेको काम गर्नेलाई कानुनी कारबाहीको दायरामा ल्याउन इमान्दार प्रयास गरिरहेको छु, उनले भने,‘मातहतलाई पनि इमान्दारपूर्वक चोरीतस्करी नियन्त्रणमा सक्रिय हुन भनेको छुँ ।’ आचरण विपरितका काम गर्ने प्रहरीलाई कारबाही पनि गरेको छुँ, उनले भने ।
