जनकपुरधाम । जनकपुरधाममा उद्योगी व्यापारीहरूले बैंकविरुद्ध विरोध प्रदर्शन गरेका छन् । आइतबार विभिन्न माग राख्दै जनकपुरधाममा बैंकहरूविरुद्ध प्रदर्शन गरेको पीडित उद्योगी व्यवसायी संघर्ष समितिले जनाएको छ ।
बैंकको चर्को व्याजविरुद्ध जनकपुरधामस्थित जनकचोकबाट पीडित उद्योगी व्यवसायी संघर्ष समितिले निकालेको र्याली राष्ट्र बैंकअगाडि धर्नामा बसेको थियो । बैंकहरूको चर्को ब्याजदरविरुद्ध हामीहरू आन्दोलनमा उत्रिनुपर्ने बाध्य भएको समितिका संयोजक सुधीर पञ्जियारले बताए ।
पञ्जियारले भने व्यापारीहरूले आठ प्रतिशतमा लिएको व्याज १५ प्रतिशतसम्म पु¥याउँदा पनि चुप लागेर बस्नुपर्ने काम अन्त्य हुनुपर्ने बताए । बैंकर्स र वित्तीय संस्थाहरू सामन्ती बनिरहेको पञ्जियारले आरोप लगाए । उनले बैंकको व्याजदर १० प्रतिशतभन्दा कम हुनुपर्ने, व्याज बुझाउन थप समय दिनुपर्ने, व्याज नबुझाएसम्मका लागि डाक लिलाम नराख्नुका साथै कालोसूचीमा नराख्न माग गरे । हामीहरूको माग सम्बोधन नभए आउने दिनमा सशक्त आन्दोलन गर्ने बाध्य हुन्छौँ पञ्जियारले भने ।
