हेटौँडा । मकवानपुरको मनहरी गाउँपालिकामा हात्तीको आक्रमणबाट एक जना घाइते भएका छ । शनिबार राति मकवानपुर मनहरी गाउँपालिका–७ बिजौनाकी कान्छिमाया तामाङलाई घरबाट बाहिर निस्कदा जङ्गली हात्तीले आक्रमण गर्दा घाइते भएको जिल्ला प्रहरी कार्यालय मकवानपुरले जनाएको छ ।
घरबाट बाहिर निस्कदा अचानक जङ्गली हात्ती आई आक्रमण गर्दा ५१ वर्षीया तामाङको ढाडमा चोट लागि बेहोस भएपछि प्राथमिक स्वास्थ्य केन्द्र मनहरीमा सामान्य उपचार पश्चात् थप उपचारका लागि भरतपुर पुरानो मेडिकल चितवन पठाइएको छ ।
हात्ती घटनास्थल नजिकै रहेको हुँदा उक्त स्थानमा स्थानिय, पर्सा राष्ट्रिय निकुन्ज सुरक्षा पोष्टबाट नेपाली सेनाको टोली, सशस्त्र प्रहरी बल नेपाल पोष्ट कत्ले खोलाको टोली र ईलामा प्रहरी कार्यालय मनहरीको टोलीले हात्तीलाई जङ्गलतर्फ लखेटेको प्रहरीले जनाएको छ ।
फेसबुकबाट तपाईको प्रतिक्रिया !