सप्तरी । सप्तरीका सामुदायिक विद्यालयमा अध्ययनरत सय जना विद्यार्थीलाई शैक्षिक सामग्री वितरण गरिएको छ ।
नेपाल प्रहरी श्रीमती संघ, मधेश प्रदेशको आयोजनामा नेपाल प्रहरी श्रीमती संघ, मधेश प्रदेशका अध्यक्ष श्रीमती सरला भट्टराई र मधेश प्रदेश प्रहरी कार्यालय जनकपुरधामका प्रमुख प्रहरी नायव महानिरीक्षक जनक भट्टराईको उपस्थितिमा जनता आधारभूत विद्यालयमा अध्ययनरत अल्पसंख्यक, सिमान्तकृत तथा पिछडिएको समुदायका कक्षा १,२, ३, ४ र ५ का करिब सय भन्दा बढी विद्यार्थीहरूलाई कपी, कलम, पेन्सिल, ईरेजर लगाएतका शैक्षिक सामग्री वितरण कार्यक्रम सम्पन्न भएको ।
अल्पसंख्यक, सिमान्तकृत तथा पिछडिएको समुदायका पिडित बालबालिकाहरुलाई शिक्षामा सहयोग होस् भन्ने उद्धेश्यकासाथ शैक्षिक सामाग्री सहयोग गरिएको हो ।
उक्त कार्यक्रममा मधेश प्रदेश प्रहरी तालिम केन्द्र जनकपुर, सम्पर्क कार्यालय: राजविराजका समादेशकका प्रहरी बरिस्ठ उपरीक्षक ईश्वर कार्की, जिल्ला प्रहरी कार्यालय सप्तरीका प्रमूख एसपी गजुसिद्धि बज्राचार्य, सुरूङ्गा न.पा. वडा नं. १ र २ का वडाध्यक्ष, श्री जनता आधारभूत विद्यालय कमलपुरका प्रधानाध्यापक, शिक्षक, अन्य सि.प्र.अ., जु.प्र.अ. लगायतका प्रहरी कर्मचारीहरू तथा विद्यार्थीहरू सहित २ सय ५० जनाको उपस्थिति रहेको थियो ।
नेपाल प्रहरी श्रीमती संघ, मधेश प्रदेशको आयोजनामा नेपाल प्रहरी श्रीमती संघ, मधेश प्रदेशका अध्यक्ष श्रीमती सरला भट्टराई कार्यक्रममा बोल्दै आफ्नो बिगतको अनुभबले बालबालिकाको पठन पाठनमा केहि योगदान दिन नेपाल प्रहरी श्रीमती संघ र मधेस प्रदेश श्रीमती संघको सन्युक्त पहलमा सुरु गरेको बताउनु भयो । उहाँले छोरीलाई शिक्षित बनाउन पर्छ भन्ने मान्यताले पनि आफुलाई प्रेरित गरेको बताउनु भयो ।
“कुनै पनि बालबालिका शिक्षाबाट बञ्चीत हुन नपरोस् भन्ने मान्यताका साथ हामीले अति विपन्न परिवारका बालबालिकाहरुलाई शिक्षामा सहयोग गर्दै आएका छौँ’ भट्टराईले भन्नुभयो– ‘नेपाल प्रहरी श्रीमती संघले यो अभियान सुरुवात गरेका हौँ , जुन शिक्षा पाएर धेरै नानीबाबुहरु अहिले आत्मनिर्भर बन्न सक्नुभएको छ, जसले गर्दा उहाँहरुका परिवार आर्थिक रुपमा सक्षम बनेको छ ।’ भट्टराईले भन्नुभयो–“पैसा नभएर कसैले बिद्यालय छोड्नु नपरोस भन्ने मेरो अपेक्षा छ ।”
