काठमाडौं । सुदूरपश्चिम प्रदेशका मुख्यमन्त्री कमल बहादुर शाहले कैलालीको गेटामा शहिद दशरथ चन्द राष्ट्रिय स्वास्थ्य विज्ञान विश्वविद्यालय बनाउन पहल जारी राखेको बताएका छन् ।
सोमबार एक प्रेस विज्ञप्ती जारी गर्दै मुख्यमन्त्री शाहले यस्तो जानकारी गराएका हुन् । संघीय सरकारले नीति तथा कार्यक्रम र बजेटले उल्झन देखाएको भन्दै उनले प्रदेश सरकार राष्ट्रिय स्वास्थ्य विज्ञान विश्वविद्यालय बनाउन प्रतिबद्ध रहेको समेत स्पष्ट पारेका छन् ।
गेटा मेडिकल कलेज सुदूरपश्चिम प्रदेश र सिंगो मुलुककै स्वास्थ्य सेवा र चिकित्सा शिक्षाको केन्द्रको रुपमा विकास हुन पर्ने चाहना रहेको विज्ञप्तीमा उल्लेख छ ।
सुदूरपश्चिमबासीको माग र चाहना बमोजिम संघ सरकारले गेटामा विश्वविद्यालय स्थापना गर्नका लागि कानुनी प्रक्रिया अघि बढाइएको मुख्यमन्त्री शाहले बताएका छन् ।
फेसबुकबाट तपाईको प्रतिक्रिया !