काठमाडौं। नेपाल वायुसेवा निगमको शुक्रबार भारत उडान गरेको दुई उडानमा यात्रुलाई गुणस्तरहीन खाना दिएको भेटिएको छ।विहान दिल्ली-काठमाडौ उडान नम्बर आरए-२०६ मा विजनेश क्लासको यात्रुलाई म्याद
गुज्रिएको चीज दिएको भेटिएको थियो।
‘बिजनेश क्लासको यात्रुबाट गुनासो आएपछि चीज गुणस्तरहीन भएको पत्ता लागेको हो,’ त्यही उडानमा रहेका एक यात्रुले भने, ‘यात्रुको गुनासोपछि हल्लीखल्ली भयो। हेर्दा चीज गुणस्तरहीन रहेछ।’
दिल्ली-काठमाडौ उडान भारतीय समय अनुसार ११ बजे भएको थियो। यो उडानमा १०२ जना यात्रु सवार थिए। यस्तै काठमाडौ-मुम्बई फ्लाइट नम्बर आरए-२०१ मा सवार यात्रुबाट पनि त्यही गुनासो आएको थियो। इकोनोमी क्लासमा रहेका ती यात्रुले चीज नै गुणस्तरहीन रहेको गुनासो आएको थियो।
स्रोतका अनुसार निगमको क्याटरिङ सेवा सोल्टी होटल अन्तर्गत एलएसजीले दिँदै आएको छ। तर, पेय पदार्थ, बदाम, चीज, लगायत निगमले वितरण गर्छ।
फेसबुकबाट तपाईको प्रतिक्रिया !