बरियारपट्टि गाउँपालिकामा ब्रम्हलुट – २
लहान । सिरहाको बरियारपट्टि गाउँपालिकामा जनप्रतिनिधी , उपभोक्ता समितीका प्रतिनिधी र कर्मचारीको मिलोमतोमा कृषी विधुतीकरणका लागि ६ हजार मिटर तार खरीद गरेर ६० हजार मिटरको रकम निकासा गरेको पाईएको छ ।
कृषी विधुतीकरणका लागि गठन गरिएको बद्रीनारायण यादवको अध्यक्षतामा गठित उपभोक्ता समितीले ६० हजार मिटर विधुत तार खरिद भन्दै गाउँपालिकाबाट ५० लाख भुक्तानी लिएको हो ।
बताईएअनुसार वडा न.१ , २ र ५ कृषी विधुतीकरणका लागि गाउँपालिकाले उक्त उपभोक्ता समितीसँग ८५ लाख रुपैयाँको सम्झौता गरेको थियो ।
२०७६ । २ । १४ गते भएको सम्झौताअनुसार २०७६ । ३ । १६ सम्म विधुतिकरण योजना सम्पन्न गर्नुपर्ने भनि कार्यादेश भएको थियो । तर सम्झौता अनुसार कार्यसम्पन्न नै नगरी दुई पटक गरि ८५ लाख रुपैयाँ भुक्तानी भएकोमा महालेखापरीक्षकको कार्यालयले आपती जनाएको हो ।
महालेखाले उक्त उपभोक्ता समितीसँग गाउँपालिकाले गरेको थियो । ६० हजार मिटर तार खरिद गर्नुपर्ने सम्झौतामा उल्लेख भएपनि ६ हजार मिटर खरिद गरेर ढुवानी भाडा सहित ५० लाख रुपैयाँ भुक्तानी गरिएको महालेखापरीक्षकको कार्यालयस्रोतले जनाएको छ ।
एक महिना अवधीमै २ सय ५० ज्यामी लगाई १९ पाना डोर हाजिरी फाराम संग्लन गरि ३३ लाख खर्च गरेको बिश्वासयोग्य नभएको पनि महालेखाले जनाएको छ ।
त्यस्तै महालेखाले उक्त कार्यको लागि लागत स्टिमेट स्वीकृत नभएको , कार्य सम्पन्न प्रतिवेदन सम्बन्धित पदाधिकारीबाट प्रमाणित नभएको ,सामाजिक परिक्षण र खर्चको सार्वजानिकीकरण नभएको , अनुगमन रिपोर्टमा उपाध्यक्षको हस्ताक्षर नभएको बताएको छ ।
कृषी बिधुतिकरणमा भुक्तानी गरिएको ८५ लाख रुपैयाँ बेरुजु देखिएपछि गाउँपालिकाका तत्कालिन प्रमुख प्रशासकिय अधिकृत अशोककमार सिंह र अध्यक्ष सन्तोष महतोबिच बेरुजु फर्छौटको बिषयलाई लिएर ठुलै विवाद निम्तिएको थियो ।
विवाद झ्यागिंदै जाँदा तत्कालिन प्रमुख प्रशासकिय अधिकृत सिंह र अध्यक्ष महतोबिच ग्यागंवारकै स्थिती सिर्जनाभएको थियो । मतभेद बढेपछी सिंहलाई सरुवा गरेर अर्का प्रशासकिय अधिकृत रञ्जितजगं अधिकारीलाई ल्याईएको थियो ।
यस बिषयमा प्रीतकृया लिनको लागि पटकपटक प्रयास गर्दापनि अध्यक्ष महतो सम्पर्कमा आउन चाहेनन् ।
बरियारपट्टि गाउँपालिकामा ब्रम्हलुट
