लहान । सिरहाको विभिन्न स्थानबाट पौष १३ गते जिल्ला प्रहरी कार्यालय सिरहा र ईलाका प्रहरी कार्यालय लहानबाट खटिएको सन्युक्त प्रहरी टोलिले करीव १३ लाख रुपैयाँ बराबरको अगरबत्तीको धुलो बरामद गरेको छ ।
विशेष सूचनाको आधारमा नेपाल प्रहरीले लुकाई छिपाई राखेको अवस्थामा उल्लेखित मुल्य बराबरको अगरबत्तीको धुलो बरामद गरेको हो ।
नवराजपुर गाउँपालिका ५ झाँझपट्टी बस्ने विनोद यादवको घर नजिकै लुकाई छिपाई राखेको ५ लाख रुपैयाँ बराबरको १ सय २० बोरा अगरबत्तीको धुलो समेत बरामद भएको छ ।
नेपाल प्रहरीले सोही ठाउँकै मेनहा बस्ने ब्रहमदेव महतोको जस्ताले बनाएको टहरोमा ५ लाख ५० हजार रुपैयाँ बराबरको १ सय ६० बोरा अगरबत्तीको धुलो र सोही गाउँपालिका ३ जगतपुर बस्ने शिवनारायण यादवको आगनमा लुकाई राखेको अवस्थामा २ लाख ५० हजार रुपैयाँ बराबरको ७२ बोरा अगरबत्तीको धुलो समेत बरामद गरेको हो ।
बरामद सामान भन्सार कार्यालय ठाडीमा बुझाएको जिल्ला प्रहरी कार्यालय सिरहाका प्रमुख प्रहरी उपरीक्षक अर्जुन प्रसाद तिमिल्सिनाले जानकारी दिए ।
फेसबुकबाट तपाईको प्रतिक्रिया !