काठमाडौं । उदेश्यभन्दा विपरितका गतिविधिमा खटिएको थाहा पाएपछि सशस्त्र प्रहरीका महानिरीक्षक राजु अर्यालले देशभरीका घुमुवालाई हटाए । दरबन्दीमा नियमित डिउटीमा नखटाए इन्चार्जलाई नै कारबाहीको चेतावनी समेत दिए । तर, आइजिपीलाई गुमराहमा राखेर तराईका कतिपय जिल्लामा र एसपीहरूले घुमुवा खटाइरहेका छन् । खासगरी मधेस प्रदेशमा यस्तो विकृत्ति व्यापक छ ।
सिरहा, सप्तरी, बारा, पर्सा , रौतहट , सर्लाही , धनुषा लगायतका जिल्लामा सशस्त्र प्रहरीका घुमुवाकै मिलेमतोमा तस्करी बढीरहेको छ । सप्तरी जिल्लामा १० जना बढी घुमुवा परिचालन गरेका छन् । सहायक हवल्दारहरू सन्तोष प्रणामी, अशोक पेक्रा, अजय शाह छन् । विभिन्न नाकामा खटाएका छन् ।
त्यसबाहेक केही सशस्त्र प्रहरीका जवान मनोज चौधरी , वरिष्ठ हवल्दार अशोक साहले मधेस प्रदेशको छिन्नमस्ता बाहिनी बाट घुमुवाको रुपमा काम गर्दै आएको स्रोत बताउँछ ।
सिरहाको अवस्था पनि त्यस्तै छ । एसपी रमेशकुमार थापाको प्रत्यक्ष संलग्नतामा विभिन्न नाकाबाट तस्करी मौलाएको छ । सिरहाका ठाडी,बरियारपट्टि , माडर लगायतका ठाउँबाट तस्करी बढेको हो । महोत्तरी जिल्लाको सम्सी नाकामा पनि सशस्त्र प्रहरीकै घुमुवाको सेटिङ चलेको छ ।
बारा, पर्सा, सर्लाहीलगायतका जिल्लामा पनि विभिन्न बहानामा गणपतिहरुले घुुमवा परिचालन गरिरहेको स्रोत बताउँछ ।
फेसबुकबाट तपाईको प्रतिक्रिया !