झापा । नेकपा (एमाले)का अध्यक्ष केपी शर्मा ओलीले नेपाली काँग्रेस खोक्रो रुख र माओवादी केन्द्र काठको हसिया हतौडा भएको बताएका छन् । उनले गठबन्धनको नाममा स्वार्थका लागि नक्कली मित लगाएर प्रधानमन्त्री शेरबहादुर देउवा र पुष्पकमल दाहाल प्रचण्डले जनतालाई झुक्याइ रहेको बताउँदै उनीहरुको बिचार, निती र सिद्धान्तको कुनै अर्थ नरहेको बताए ।
गृह जिल्ला झापामा बिहिबार झापा क्षेत्र नं. १ को बृहत चुनावी सभालाई सम्बोधन गर्दै पूर्व प्रधानमन्त्री समेत रहेका प्रमुख प्रतिपक्षी दल एमालेका अध्यक्ष ओलीले देशमा समृद्धिका लागि एमालेको सरकार आवश्यक रहेको बताए । उनले देश विकास गर्ने भिजन एमालेसंग मात्रै रहेको बताउँदै मंसिर ४ पछि देशमा एमालेको सरकार आवश्यक रहेको बताए ।
चुनावी कार्यक्रमका लागि अन्तिम दिन झापा पुगेका ओलीले देशभर एमालेको जनलहर छाएको बताउँदै कोहि पनि नअल्मली आग्रह गरे । साथै उनले झापा क्षेत्र नं। १ बाट प्रतिनिधिसभा सदस्यामा अग्नि खरेल, प्रदेशसभा सदस्य (क) मा रबिन कोइराला र ९ख० मा सबिना बजगाईको जित लगभग पक्का रहेको बताए ।
कार्यक्रममा नेकपा एमालेका स्थायी कमिटी सदस्य तथा पूर्व कानुन मन्त्री पूर्व महान्यायधिवक्ता अग्निप्रसाद खरेलले एमाले जनताको पार्टी भएको बताउँदै एमालेबाट उम्मेदवार दिएका सबै जनताको सेवक भएको बताए ।
झापा क्षेत्र नं. १ बाट प्रतिनिधिसभा सदस्यका उम्मेदवार समेत रहेका खरेलले आफू जनताको काम गर्न आएको बताउँदै गठबन्धनले जस्तो भोटका लागि मात्रै जनतालाई आश्वसन नबाडेको बताए ।
कार्यक्रममा एमालेका तर्फबाट झापा क्षेत्र नं. १ (क) का उम्मेदवार रविन कोइराला, राप्रपाबाट (ख) की उम्मेदवार सबिना बजगाई, पूर्व बागमी प्रदेश प्रमुख बिष्णु प्रसाईलगायतले बोलेका थिए ।
फेसबुकबाट तपाईको प्रतिक्रिया !