काठमाडौं । ओम्नीकाण्डदेखि सम्धीकाण्ड र श्रीमती, पीए र पीएका श्रीमतीलाई मात्र सांसद बनाएको पोल खुलेपछि नेकपा(एमाले)का बरिष्ठ उपाध्यक्ष इश्वर पोखरेल काठमाडौं क्षेत्र नम्बर ५ बाट पराजीत हुने भयले छटपटीमा परेका छन् ।
काठमाडौं क्षेत्र नम्बर ५ मा नेपाली कांग्रेसका युवानेता प्रदीप पौडेलको पक्षमा माहौल बनेपछि आत्तिएका पोखरेलले उनका बिषयमा हुँदै नभएका सफेद झुट समाचार प्रवाह गराउन पुगे । प्रदीप पौडेलले सुकुम्बासी भनेर बाबुको नाममा सरकारी जग्गा लिएको भ्रम फैलाउने काम पोखरेलले पराजीत मानसिकताबाट ग्रसित भएर गरेका थिए । जुन उनकै लागि प्रत्युत्पादक सावित भएको छ । मालपोत कार्यालय तनहुँले नै प्रदीप पौडेलका पिता डिल्लीरमरण पौडेलका नाममा ढोरफिर्दी–३ मा जग्गा नै फेला नपरेको जानकारी दिएको छ ।
इश्वर पोखरेल निकट मिडियामा प्रदीप पौडेलका पिता डिल्लीरमण पौडेलले तनहुँको साविक ढोरफिर्दी–३ मा सुुकुम्बासीका नाममा जग्गा लिएको उल्लेख गरी समाचार प्रकाशन गरेका थिए । पोखरेलले निर्वाचनको सम्मुखमा असत्य समाचार प्रकाशन गरेपछि प्रदीप पौडेलले मालपोत कार्यालयसँग उक्त जग्गाको बारेमा खोजी गरी जानकारी दिनका लागि २०७९ कात्तिक २७ मा निवेदन दिएका थिए ।
मालपोत कार्यालय तनहुँले २०७९ कात्तिक २९ गते नै ढोरफिर्दी–३ मा डिल्लीरमण पौडेलको नाममा उक्त कित्ताको जग्गा खोजी गर्दा फेलानपरेको जनाएको छ ।
मोठ, रोक्का र कम्प्युटर फाँटबाट भिडाउँदा उक्त जग्गा फेलानपरेको मालपोत कार्यालय तनहुँको पत्रमा उल्लेख छ । तनहुँको ढोरफिर्दी हालको शुक्लगण्डकी नगरपालिका–८, ढोरफिर्दी ३ (ख) कित्ता नं.१३९१ को क्षेत्रफल १ रोपनी जग्गा सोही वडा निवासी पौडेलको नाममा नभएको मालपोत कार्यालयले नै स्पष्ट पारेपछि पोखरेलको कर्तुत पर्दाफास भएको छ ।
यसैबीच, निर्वाचन प्रचार प्रसार समिति नेपाली कांग्रेस क्षेत्र नम्बर ५ ले बिहीबार एक विज्ञप्ति प्रकाशित गरी पार्टीका उम्मेदवार प्रदीप पौडेलका बिरुद्ध केही मिडियामा योजनाबद्ध र षडयन्त्रपूर्ण ढंगले भइरहेको गलत प्रचारप्रति ध्यानाकर्षण भएको जनाएको छ । पौडेलले सुकुम्बासीको नाममा सरकारी जग्गा बाबुको नाममा गरेको, प्राध्यापक कुटपिटमा संलग्न रहेको जस्ता जनमानसमा अन्यौल सृजना गरेको हुनसक्छ ।
प्रदीप पौडेलसँग प्रतिस्पर्धामा रहेका एमालेका उम्मेदवार इश्वर पोखरेलले आफ्ना निकट मिडियामार्फत् प्रवाह गराउने कार्यलाई राजनीतिक षडयन्त्र मानेका छौं, निर्वाचन प्रचार प्रसार समिति नेपाली कांग्रेस क्षेत्र नम्बर ५ को ध्यानाकर्षणपत्रमा उल्लेख छ, मिडियाको यो तहको दुरुपयोगले हाम्रा प्रतिस्पर्धीहरुको मानसिक पराजय र राजनीतिक संस्कारको शून्यता देखाउँछ । यो तहको विकृृति कसैलाई मान्य हुन सक्दैन ।
प्रदीप पौडेल आजसम्मको राजनीतिक र सार्वजनिक जीवनमा निष्ठा, इमान र नैतिकतामा आफ्नो पुस्ताकै मानक हुनुहुन्छ । र, सिंगो देश यो तथ्यसँग अवगत छ । नेपाली कांग्रेस सम्झाउन चाहन्छ, आफ्नो इमान र चरित्रको रक्षा गर्न नसकेको क्षतिपूर्ति नैतिकवान प्रतिस्पर्धीको चरित्रहत्याबाट हुँदैन ।
यसैबीच, नेपाली कांग्रेस क्षेत्रीय समितिले प्रदीप पौडेलको चरित्रहत्या गर्नेखालका समाचार प्रकाशन र प्रशारण गर्ने संचारमाध्यमका बिरुद्ध निर्वाचन आयोग र प्रेस काउन्सिलमा छानबिनका लागि उजुरी दिइसकेको छ । निर्वाचन आयोगले बुधबार प्रेस काउन्सिल नेपाललाई उक्त समाचारका बिषयमा आवश्यक कारबाही गर्न पत्र पठाइसकेको छ ।
फेसबुकबाट तपाईको प्रतिक्रिया !