धरान । सुनसरीको धरान ८ दुर्गापथ स्थित गैरीगाउँको खहरे खोलाको जमेको पानीमा डुबेको अवस्थामा एक युवा मृत फेला परेका छन् ।
खहरेमा जमेको पानीमा घोप्टो अवस्थामा मृत फेला परेका युवा सोही ठाउको गैरीगाउका अन्दाजी २६ वर्षीय रुपेश खातुन रहेको इलाका प्रहरी कार्यालय धरानका ईन्स्पेक्टर प्रहरी निरीक्षक देउप्रसाद लिम्बुले बताए।
स्थानीयले नबिन सेन्चुरिका अनुसार बिहान ७ बजे तिर पानीमा घोप्टो अवस्थामा डुबिरहेको देखेर प्रहरिलाई खबर गरेको बताए। घटनास्थल नजिकै घर रहेका खातुन सानिआमासंगै बस्दै आएका थिए ।
मृतकको टाउकोमा चोट लागेको र पानीमा घोप्टो परेर डुबिरहेको अवस्थामा शव फेला परेको थियो । मृतकको कोठामा खानतलासी गर्दा विभिन्न प्रकारका लागुऔषध र लागुऔषध प्रयोग गरी सकेपछिको लागुऔषधका खोल र सुई फेला परेको प्रहरीले जनाएको छ ।
मृतकको शव मुचुल्का उठाएर अहिले बीपी कोइराला स्वास्थ्य विज्ञान प्रतिष्ठानको शव गृहमा लगिएको छ । घटनाको बारेमा इलाका प्रहरी कार्यालय धरानले अनुसन्धान सुरु गरेको प्रहरीले बताएको छ
