रौतहट । सुरक्षाकर्मीको मिलेमतोमा गौर भन्सार नाकाबाटै रेडिमेड कपडाको तस्करी सुरु भएको छ । चाडपर्व नजिकिदै जांदा तस्करहरुले गौरबाट कपडाको लाइन सुरु गरेको छ ।
गौर भन्सारकर्मी र सुरक्षाकर्मीको मिलमेमतोमा दैनिक लाखौं मुल्य बराबरको रेडिमेड कपडाको तस्करी कार्य शुरु भएको हो ।
सीमावर्ती भारतबाट भन्सार कटाएर दिनभरी कपडाको पोको गौर भन्सारमा थन्काएर राख्दै आएपनी बेलुवा भन्सार नै नकटाई ठेलागाडामा रेडिमेडका कपडाहरु गोदामसम्म पुग्ने गरेको छ । सरकारले आर्थिक मन्दीको कारण देखाउंदै रेडिमेड कपडा लगायत विभिन्न सरसमानमा प्रतिबन्ध लगाएपछी तस्करहरुले भन्सार राजस्व नतिरी अवैध रुपले तस्करीका समान नेपाल भित्राउंदै आएका छन् ।
गौर भन्सार कार्यालयबाट ठेलागाडाको माध्यमले रेडिमेड कपडाको पोका तस्करहरुको गोदामसम्म पुग्ने गरेको विशेष श्रोतले बताउंदै पिकअप भ्यानबाट बिहानै जिल्लाको विभिन्न स्थानमा पुग्दै आएको छ ।
सरकारले नै रेडिमेड कपडा लगायत विभिन्न सरसमानको भन्सार छिर्न रोक लगाएको छ तर, तस्करहरुले सोको फाइदा उठाई जिल्लाको विभिन्न स्थानमा पुरयाउंदै आएको ति श्रोतले बताउनुभयो ।
यस सम्बन्धमा गौर भन्सार कार्यालयका प्रमुख वाशु नेपालले भन्सार कार्यालयमा कुनै प्रकारको रेडिमेड कपडा नआएको बताउनुभयो । सरकारनै रोक लगाएको अवस्थामा कसरी रेडिमेड कपडा भन्सारमा पुग्छ भन्दै उंहाले तस्करी कार्य प्रति अनभिज्ञता व्यक्त गर्नुभयो ।
फेसबुकबाट तपाईको प्रतिक्रिया !