काठमाण्डौं । जिल्ला काठमाण्डौ चन्द्रागिरी न.पा. वडा नं. ४ त्रिभुवन पार्कस्थित नागढुङ्गा-कलङ्की मुख्य सडकखण्डमा विभिन्न ट्रक तथा कन्टेनरमा अवैध माल सामान ल्याउँदै गरेका छन् भन्ने प्रहरी वृत्त थानकाेटले विशेष सूचनाका आधारमा नियन्त्रणमा लिएर कारवाहीका लागि राजश्व अनुसन्धान विभागमा पठाएकाे बताएकाे छ ।
तत्कालै प्रहरी बृत्त थानकोट र मातहतसमेतलाई परिचालित गराई सवारी साधनहरु चेकजाँच गर्ने क्रममा २०७९ भदाै ८ गते बिहान वीरगञ्जबाट काठमाण्डौतर्फ आउँदै गरेका कपडाजन्य, किराना पसलका मालसामान, स्टेशनरी मालसामान, मोटरसाइकल पार्ट्स, भाँडा वर्तनलगायतका मालसामान लोड गरी आएका तीनवटा ट्रक प्रहरीले नियन्त्रणमा लिएकाे हाे ।
नियन्त्रणमा लिएका मालसामान ढुवानीका ट्रकहरू ना. ६ ख. ८९ नं. को ट्रक, ना. ६ ख. ७१ नं. को ट्रक, ना. ७ ख. ९२३ नं. को कन्टेनरहरुमा रहेका मालसामानहरुको बिल बिजकका सम्बन्धमा प्रारम्भिक अनुसन्धानको क्रममा शंकास्पद देखिएको थियाे ।
नियन्त्रणमा लिइएका ट्रकहरू सम्पूर्ण विवरणसहित नियन्त्रणमा लिइएका सवारी साधनहरु, चालक तथा सह-चालकहरुसहित राजश्व अनुसन्धान विभागमा पठाएकाे जानकारी दिएकाे छ ।
फेसबुकबाट तपाईको प्रतिक्रिया !