इटहरी । इटहरी उपमहानगरपालीकाले सवारी साधनमा ग्लोबल पोजिसनिङ सिस्टम (जिपिएस) जडान गरेको छ।इटहरी उपमहानगरपालीकाले इटहरी उप-महानगरपालिका कार्यलयको सबै सवारी साधनहरुमा जिपिएस उपकरण जडान गरेको हो ।
यसरी जडान गरीएको जिपीएस् मार्फत प्रबिधिले सवारी साधन दुरुपयोग र चोरी हुनबाट जोगाउने गर्दछ । जिपिएस् मार्फत कम्प्युटरबाट सवारीसाधन कहाँ छ ? कुन गतिमा कुदिरहेको छ ? आदि बारेमा जानकारी पाउन सकिन्छ ।
प्रविधीलाई आत्मसाथ गर्दै सरकारी सवारी साधनको दुरुपयोग र अनियमितता नियन्त्रण गर्न नगरले सवारीमा जिपिएस जडान गरेको इटहरी उपमहानगरपालीकाका मेयर हेमकर्ण पौडेलले बताए ।
नगरवासिलाइ छिटो छरितो र पारदर्शी सेवा सुविधा प्रदान गर्न तथा इटहरी उपमहानगरपालीकालाई प्रविधी मैत्री बनाउन आफू प्रतिबद्ध रहेको मेयर हेमकर्ण पौडेलले जानकारी दिए ।अब उपमहानगरपालीका सम्पुर्ण सवारी साधन ठीक यो बेला कहाँ र कस्तो अवस्थामा छन् भन्ने पनि कम्प्युटर र मोबाइलबाटै हेर्न सकिन्छ ।
जिपिएसले गाडी गुडिरहेकै देखाउँछ र गुडेको गति पनि बताउँछ। दिनभरमा कुन गाडी कति किलोमिटर गुड्यो, हिजो र अस्ति कुन–कुन लोकेसनमा गाडी पुग्यो भन्ने रेकर्डसमेत हेर्न सकिन्छ। यसमा ९० दिन सम्मको अभिलेख रहने र जुनसुकै समयमा उक्त अभिलेख हेर्न सकिन्छ ।
नगरका करिब १३ सवारीमा जिपिएस जडान गरिएको इटहरी उपमहानगरपालीकाका सुचना प्रविधि अधिकृत ओसन चौधरीले बताए । महिनाभरमा गाडी कति किलोमिटर गुड्यो भन्ने रेकर्ड पनि हेर्न सकिने उनले बताए ।नगरका मेयर, उपमेयरदेखि सबैले प्रयोग गर्ने सवारी साधनमा जिपिएस जडान हुने समेत सुचना प्रविधी अधिकृत चौधरीले जानकारी दिए।
