काठमाडौं । आइएमई जनरल इन्स्योरेन्स लिमिटेडको २४औं वार्षिक साधारण सभा सम्पन्न भएको छ । आज लैनचौर वाङकेटमा इन्स्योरेन्सको २४औं वार्षिक साधारण सभा सम्पन्न भएको हो ।साधारण सभामा बोल्दै सम्पूर्ण शेयरधनीहरुलाई स्वागत गर्दै अध्यक्ष हेमराज ढकाले कम्पनीले निर्जीवन बीमा बजारमा नयाँ नयाँ सेवाहरु सहित छुट्टै पहिचान स्थापित गरी गुणस्तरीय सेवा प्रदान गरेको जानकारी दिनुभएको थियो ।
सभामा अध्यक्ष ढकालले विश्व महामारीको रुपमा फैलिएको कोभिड १९ तथा ठूला अर्थतन्त्र भएका मुलुकहरुबीचमा देखिएको प्रतिस्पर्धाका कारण विश्व अर्थतन्त्रमा परिरहेको असरबाट नेपाल पनि अछुतो रहन नसकेको सन् २०२२ मा नेपालको आर्थिक बृद्धिदर ४ प्रतिशत भन्दा पनि कम रहने प्रक्षेपण बिश्व बैकले गरेको छ । बढ्दो आयातका कारण नेपालको व्यापार घाटा चुलिदो छ भने विदेशी मुद्रा सन्थिति घट्दो अवस्थामा छ । अर्थतन्त्रका महत्वपूर्ण सूचिहरु ऋणात्मक रहेको अवस्था छ ।रेमिट्यान्स आप्रवाह घट्दो छ मत लगानी योग्य पुजी तरलताको अभाव रहेको समेत जानकारी दिनुभएको थियो ।
सभामा अध्यक्ष ढकालले इन्स्योरेन्सले अघिल्लो बर्षको तुलनामा आर्थिक वर्ष २०७७ / ०७८ बीमा प्रिमियम ९ प्रतिशत बढी संकलन गर्न सफल भएको बताउनु भयो। कम्पनीले आफ्नै भवन बनानका लागि काठमाडौं महानगरपालिका नीपोखरीमा सडकसँगै जोडिएको २ रोपनी ६ आना २ पैसा ३ दाम जग्गा किनेको र उक्त जग्गामा कम्पनीको प्रधान कार्यालयको प्रयोजनको लागि करिब ६० हजार वर्गफिटको ९ तल्लाको भवन निर्माणका लागि नक्शा तयार गरी निर्माण कार्य अगाडि बढाइसकेको पनि अध्यक्ष ढकालले बताउनु भएको छ ।
कम्पनीको व्यावसायमा भएको विस्तार सँगै जोखिम धारण क्षमतामा समेत बृद्धिको लागि र नियमनकारी निकायबाट समेत चुक्ता पूँजी २.५० अरब पुयाउन समयसीमा समेत तोकिदिएको हुनाले निर्देशन बमोजिम पूँजी योजना बीमा समिति समक्ष पेश गरिसकिएको जानकारी दिंदै हालको चुक्ता पूँजीको ७ प्रतिशतको दरले बोनस शेयर प्रदान गर्ने प्रस्ताव कम्पनीको २४ औँ साधारण सभाबाट पारित भएको हुनाले उल्लेखित बोनस शेयर जारी भए पश्चात कम्पनीको चुक्ता पूँजी १ अरब ७० करोड १६ लाख ५१ हजार ४ सय २० पुग्ने व्यहोरा जानकारी गराउनु भएको छ ।
कम्पनीले २४ औँ साधारण सभा समक्ष पेश गरेको सबै साधारण तथा विशेष प्रस्तावहरू सभाले स्वीकृत गरेकोमा सबै शेयरधनीहरूलाई धन्यवाद व्यक्त गर्नु भएको थियो ।त्यसै गरी सोही अवसरमा कम्पनीका प्रमुख कार्यकारी अधिकृत युगेशभक्त बादे श्रेष्ठले ग्राहक, लगानीकर्ता, नियमनकारी निकायहरू र कर्मचारी साथीहरूको टिमको सहयोगबाट आज बीमा बजारमा एक अग्रणी कम्पनीको रुपमा स्थापित भईरहेको जानकारी गराउनु भएको थियो।
कम्पनीले आ।व। २०७६÷७७ मा १ अरब ३९ करोड ९४ लाख रुपैयाँ बीमा शुल्क आर्जन गरेकोमा समीक्षा वर्षमा १ अरब ५२ करोड २१ लाख बीमा शुल्क आर्जन गरी गत वर्षको दाँजोमा ९ प्रतिशतले बीमा शुल्क वृद्धि भएको जानकारी गराए भने चालु आर्थिक वर्षको चैत्र मसान्तसम्ममा कम्पनीले कूल १ अरब २८ करोड ६१ लाख बीमा शुल्क आर्जन गरिसकेको पनि सभालाई जानकारी गराउनु भयो ।श्रेष्ठले नियमनकारी निकायको निर्देशन तथा राष्ट्रिय महत्वको बिषय रहेको लघु बीमा, कृषि तथा पशु बीमा लगायत स्वस्थ्य बीमालाई अगाडी बढाउँदै बीमा सेवालाई जनस्तरसम्म पुर्याउनको लागि ७ वटै प्रदेशहरूमा शाखा विस्तार गरेको पनि जानकारी गराउनु भयो ।
कम्पनीले हालसम्म प्राप्त गरेको उपलब्धिलाई संस्थागत गर्दै कम्पनीको नीति नियम र विनियमहरू, आन्तरिक लेखा परीक्षण लगायत बीमा समितिबाट समय समयमा प्राप्त निर्देशनहरूको पालना गर्दै आन्तरिक नियन्त्रण प्रणालीलाई प्रभावकारी बनाउँदै कम्पनीसँग भएको साधन र स्रोतको उच्चतम परिचालन गरी सबै शाखा तथा प्रधान कार्यालयबाट सहज सेवा प्रदान गर्ने गरी सूचना तथा संचाारमा विशेष ध्यान दिंदै डिजिटलमा विषेश ध्यान दिएको पनि बताउनु भयो ।
