काठमाडौं । सशस्त्र प्रहरी बलको महानिरीक्षक (आईजीपी) मा एआईजी पुष्पराम केसीलाई बढुवा गर्ने सरकारले निर्णय गरेको छ ।
बुधबार बिहान बसेको मन्त्रिपरिषद्को बैठकले वरियतामा एक नम्बरमा रहेका केसीलाई आईजीपीमा बढुवा गर्ने बढुवा गर्ने निर्णय गरेको एक मन्त्रीले पर्दाफासलाई बताए । उनले यसको औपचारिक जानकारी केही समयमा सरकारका प्रवक्ता सञ्चारमन्त्री ज्ञानेन्द्र कार्कीले गराउने तयारी भइरहेको जानकारी दिए ।
अर्का एआईजी रामशरण पौडेल केसीभन्दा वरियतामा पछि थिए । सशस्त्र प्रहरीका आईजीपी शैलेन्द्र खनालले सोमबार अवकाश पाएपछि कार्यकारीको जिम्मेवारी केसीलाई दिइएको थियो ।
केसीको कार्यकाल आगामी १८ वैशाखसम्म हुनेछ । त्यसपछि ३० वर्षे सेवा अवधिका कारण उनले अवकाश पाउने छन् ।
