काठमाडौं । सत्तारुढ दल नेपाली काँग्रेसका नेता प्रकाशमान सिंहले तीन वटै तहको निर्वाचनमा पाँच दलीय गठबन्धन कायमै राखेर जानुको विकल्प नरहेको बताएका छन् । शनिबार पार्टीले काठमाडौंमा आयोजना गरेको एक कार्यक्रममा बोल्दै नेता सिंहले संविधानलाई जोगाएर लैजानका लागि पनि संघ, प्रदेश र स्थानीय तहको चुनावसम्म गठबन्धन कायमै राखेर अघि बढनुपर्ने बताए ।
त्यस्तै उनले निर्वाचन जित्ने हो भने सिंगो पार्टी पंक्ति एकताबद्ध हुनुपर्ने आवश्यक्ता पनि औंल्याए । निर्वाचनमा जाँदा कम्युनिष्टहरुले मौका पाउँदाखेरी त्यसलाई सदुपयोग गर्न नसकेको सन्देश जनतामा लैजानुपर्ने नेता सिंहको बताए ।
उनले भनेका छन्, ‘कम्युनिष्टहरुलाई मौका दिँदाखेरी त्यो मौकाको कम्युनिष्टहरुले सदुपयोग गर्नै सकेन । अब सिम्पल भाषामा भन्ने हो भने शान्ति प्रक्रिया त नेपाली काँग्रेसले प्रारम्भ गरेको हो नि त । हाम्रा आदरणीय नेता गिरिजाप्रसाद कोइरालाले गर्नु भएको हो नि त । तर म्यान्डेट कम्युनिष्टहरुले पायो । चार चार पटक कम्युनिष्ट नेताहरु प्रधानमन्त्री बने तर प्रथम संविधानसभाबाट संविधान त जारी भएन ।’
उनले थप भनेका छन्, ‘जनताले म्यान्डेट दिँदा काम गर्न नसक्ने कम्युनिष्टहरु नै हुन् । यिनीहरुले जनताको पक्षमा, राष्ट्रको हितका पक्षमा काम गर्न सक्दैनन् भनेर आगामी निर्वाचनमा म्यासेज दिन सक्नुपर्छ भन्ने मलाइ लागेको छ । तर, दोस्रो संविधानसभाबाट हाम्रो पार्टीको नेतृत्वमा संघीय लोकतान्त्रिक गणतन्त्रसहितको संविधान हामीले जारी ग¥यौं । काँग्रेस नेतृत्वमा संविधान जारी भयो । तर त्यसको कार्यान्वयनका लागि म्यान्डेट र काँग्रेसले पाउनुपर्ने हो नि । काँग्रेसले पाएन । फेरी कम्युनिष्टलाई जिम्मा पायो ।’
यसका साथै उनले यस गठबन्धनको औचित्य चाँही समाप्त भएको हो त ? भने आफूले प्रश्न गरेको भन्दै भने, ‘मत भुक्तभोगी मैले भने नि । हाम्रो पार्टी सभापतिलाई २५ प्रतिशत पनि छैन पार्लियामेन्टमा के गर्न सक्छौ त भन्ने छ । यो गठबन्धनको उपाध्यता सकिएको हो त ? यो त बाँकि नै छ ।
ओलीले संविधानलाई जोगाएर ट्रयाकमा राख्न नसकेकोलाई संविधानलाई ट्रयाकमा लगिराख्नका लागि त अब हामीले गर्ने भनेको के हो त भन्दाखेरी तीन वटै तहको निर्वाचन सम्पन्न हुँदैछ । संविधान जोगाउनका लागि यो गठबन्धन आवश्यक भएको हुनाले काँग्रेसले अहिले पनि स्थानीय निर्वाचनमा पनि पनि औचित्य र आवश्यक्ताको आधारमा गठबन्धन गरेर जाने भनेको हो । यसमा सिरियस हुन जरुरी छ ।’
काँग्रेस नेता सिंहले ओली नेतृत्वको सरकारले संविधानमाथि नै प्रहार गर्न थालेपछि पार्टी सभापति शेरबहादुर देउवालाई सरकारको नेतृत्व लिनका लागि आफूहरुले अग्रसर गराएको पनि बताएका छन् ।
