काठमाडौं । निर्माण व्यवसायी प्रेम कुमार मल्ललाई प्रहरीले पक्राउ गरेको छ । प्रेरा निर्माण सेवाका प्रोपाइटर मल्ललाई जावलाखेलबाट पक्राउ गरिएको ललितपुरका एसएसपी यज्ञ विनोद पोखरेलले बताए ।
चितवन घर भएका मल्लले ज्योति कन्स्ट्रक्सनका सञ्चालक राजकिशोर गुप्तालाई ठगी गरेको आरोप छ । मल्ललाई पक्राउ गर्न जिल्ला अदालत धनुषाले पक्राउ अनुमति दिएको थियो ।
जिल्ला प्रहरी कार्यालय धनुषामा दर्ता भएको ठगी मुद्दा अनुसन्धान गर्न मल्ललाई धनुषामा पठाइएको एसएसपी पोखरेलले जानकारी दिए ।
