सिराहा । मधेसमा बिरामीको उपचारका लागि रगतको अभाव भएपछि सिराहामा प्रहरीहरूले रक्तदान गरेका छन्।
प्रहरी कार्यालयमा आयोजित बृहत् रक्तदान कार्यक्रममा ‘रक्तदान जीवनदान’को नारालाई आत्मसात गर्दै समुदाय प्रहरी साझेदारी कार्यक्रममा रक्तदान गरेको प्रहरी उपरिक्षक (एसपी) अर्जुन प्रसाद तिमिल्सिनाले बताए ।
‘समाजमा शान्ति सुरक्षा अमन चयन कायम राख्नु हाम्रो कर्तव्य हो,’ उनले भने ‘सुरक्षासंगै रक्तदान गरेर आफनो रगतको थोपाले कसैको ज्यान बच्छ भने त्यो धर्म पनि हामीैले निर्भाह गरेका हौँ ।’
रक्तदान गर्दा आफूलाई निकै खुशी लागेको पनि एसपी तिमिल्सिनाले बताए । रक्तदान कार्यक्रममा करिब ३५ पिन्ट रगत संकलन भएको प्रहरीले जनाएको छ ।
रक्तदान कार्यक्रममा एसपी तिमिल्सिना सहित करिब ३५ जना प्रहरी कर्मचारीले रक्तदान गरेका थिए ।
रेडक्रस सिराहाले प्रहरी कर्मचारीले दानगरेको रगत घटना, दुर्घटना तथा स्वास्थ्यसम्बन्धी समस्या रहेका कैयौँ नागरिकको जीवन रक्षामा उपयोग हुने बताए ।
