काठमाडौँ । नेपाल कम्युनिस्ट पार्टी (माओवादी केन्द्र) को आज बसेको केन्द्रीय समिति बैठकमा मनोनीत हुने केन्द्रीय समितिका सदस्यहरुको नाम प्रस्ताव गरिएको छ ।
बैठकमा अध्यक्ष पुष्पकमल दाहाल प्रचण्डले पार्टीका कमिटीहरूबाट सिफारिस भईआएका नामहरूबाट केन्द्रीय सदस्यमा मनोनयनका लागि तयार गरिएको ९७ जनाको नामावली सूची वाचन गरेर सुनाएका थिए ।
माओवादीको संशोधित विधान अनुसार केन्द्रीय सदस्य संख्या २९९ जना रहने व्यवस्था गरिएको छ । गत पुषमा सम्पन्न पार्टीको आठौँ महाधिवेशनबाट २४७ जना केन्द्रीय सदस्य भने निर्वाचित भइसकेका छन् । बाँकी सदस्यहरु पार्टी नेतृत्वले समानुपातिक समावेशी आधारमा मनोनयन गर्ने व्यवस्था छ ।
सोहीअनुसार अध्यक्ष प्रचण्डले प्राप्त नामहरुमध्ये छानिएका ९७ जनाको नामसूची बैठकमा पेश गरेका हुन् । खुलातर्फ ५५ र समानुपातिक तर्फ ४२ जनाको नाम प्रचण्डले प्रस्ताव गरेको बताइएको छ ।
