काठमाडौं। राष्ट्र उत्थान लघुवित्त वित्तीय संस्थाले फागुन ४ गतेबाट सर्वसाधारणलाई सेयर बिक्री गर्ने भएको छ। कम्पनीले फागुन ८ गतेसम्म सेयर बिक्री गर्ने तालिका बनाएको छ।
कम्पनीले १०० रुपैयाँ अंकित दरका ८ लाख ५० हजार कित्ता सेयर बिक्री गर्ने छ। यसमध्ये ४२ हजार ५०० कित्ता सेयर सामूहिक लगानी कोषहरुलाई आरक्षित गरिएको छ। कम्पनीले कर्मचारीलाई १३ हजार कित्ता सेयर छुट्याएको छ। बाँकी रहेको ७ लाख ९४ हजार ५०० कित्ता सेयर सर्वसाधारणले पाउने छन्।
कम्पनीले जारी पुँजी २६ करोडको ३२.६९ प्रतिशत सेयर सर्वसाधारणलाई बिक्री गर्न लागेको हो।सेयरमा कम्तिमा १० कित्ता र अधिकतम १००० कित्ताका लागि आवेदन दिन सकिन्छ।
