विराटनगर । केही दिनअघि उखुबारीमा गाडिएको अवस्थामा फेला परेका दुवै शवको पहिचान खुलेको छ । मोरङको धनपालथान गाउँपालिका–७ स्थित उखुबारीमा खाडलमा गाडिएका ती दुई व्यक्ति एक अर्काका साथी रहेको खुलेको हो । तर उनीहरूकाे हत्या कसले र के कारणले गरेकाे हाे भन्ने खुल्न सकेकाे छैन ।बिहीबार एक शवको पहिचान खुलेको थियो ।
धरान उपमहानगरपालिका– ३ घर भई पछिल्लो समय भक्तपुरमा बस्दै आएका राजेन्द्रकुमार श्रेष्ठ रहेको उनको उक्त मृतकको साथमा रहेको कागजातबाट खुल्न आएको थियो । तर अर्का मृतकको पहिचान भने आइतबार मात्र खुलेको हो ।मोरङ प्रहरीले गत बुधबार राति र बिहीबार दिउँसो ती दुवै शवको उत्खनन गरेर निकालेको थियो । बिहीबार निकालिएको शव राजेन्द्रकुमारको थियो, उनका आफन्तले शव बुझेर शुक्रबार नै सतगद गरिसकेका छन् ।
श्रेष्ठको हत्या भएपछि शव भेटिएको २९ दिन अगाडि परिवारसँग म्यासेजमा अन्तिमपटक कुराकानी भएको खुलेको छ । उनले एनसेलको नम्बरबाट पत्नीलाई ४ पुसमा अन्तिम पटक म्यासेज गरेको खुलेको हो ।उनी २८ मब्सिरमा भक्तपुरदेखि परिवारलाई व्यवहार मिलाएर फर्किन्छु भनेर उनका साथीहरू मोहन लिम्बू र चौधरी थर भएका साथीहरूसँग पूर्व आएका थिए । श्रेष्ठसहित तीन जना साथीहरू कार रिजर्भ गरेर पूर्व आएको खुलेको छ ।
पूर्व आएको ६ दिनपछि उनले पत्नीलाई ।अहिले लफडा भयो । पछि कल गर्छु’ भनेको सन्देश एनसेलको नम्बरबाट पत्नीलाई म्यासेज पठाएको देखिएको छ । त्यसपछि परिवारसँग राजेन्द्रको फोन सम्पर्क भएको देखिएको छैन । प्रहरीले श्रेष्ठको साथबाट एनटिसीको सिमकार्ड, पर्स र सवारी चालक प्रमाण–पत्र पनि फेला पारेकोले सहज रूपमा खनाखत भएको थियो ।
बुधबार राति भेटिएको शव भने सप्तरीको शम्भुनाथ नगरपालिका– ४ घर भई पछिल्लो समय काठमाडौँमा बस्ने गरेका शम्भु चौधरीको रहेको खुलेको हो । मृतकको शारीरिक बनावट तथा घटनास्थलमा भेटिएका लत्ता–कपडाको मृतकका आफन्तले उक्त शवको पहिचान गरेका हुन् ।दुवै मृतक साथी रहेको र एकै समयमा सम्पर्कविहीन भएको प्रहरीको भनाइ छ । उनीहरु दुवैजना जग्गा कारोबारमा संलग्न रहेको खुल्न आएको छ ।
उनीहरु दुवै जना गत मंसिर पहिलो साता काठमाडौँबाट पूर्वतर्फ लागेको बताइएको छ । कुनै लेनदेनमा विवाद भएर उनीहरुको एकैसाथ हत्या भएको हुनसक्ने प्रहरीको प्रारम्भिक अनुमान छ । थप तथ्य अनुसन्धानबाट खुल्ने जिल्ला प्रहरी कार्यालय, मोरङले जनाएको छ । उखु काट्न गएका किसानले भर्खरै खनिएको जस्तो लाग्ने खाल्डो र त्यसमा लत्पतिएको रगत देखेपछि उखुधनी दिलिपप्रसाद सिंहलाई खबर गरेका थिए ।
उनले प्रहरीमा फोन गरेर त्यसबारे जानकारी गराएका थिए । खबर पाएलगत्तै जिल्ला प्रहरी कार्यालय, मोरबबाटपुगेको टोलीले खाल्डो उत्खनन् गर्दा बुधबार राति अन्दाजी ३० वर्षीय पुरुषको शव फेलापा¥यो । जिल्ला प्रहरी कार्यालय का प्रमुख एसपी जिसी आफै घटनाको अनुसन्धानमा खटिएका छन् ।
३० मिटरको दूरीमा खाल्डो खनेर छुट्टाछुट्टै दुईवटा खाडलबाट उत्खनन् गर्दा दुई जना पुरुषको शव भेटियो । जग्गाको कारोबार गर्दै आएका व्यवसायी श्रेष्ठले साथीहरूसँग झापामा १८ बिघा क्षेत्रफलमा प्लटिब गर्दै आएका थिए ।
