काठमाडौं । जिल्ला अदालत, काठमाडौंका न्यायाधीश रामचन्द्र पौडेलको इजलासले गोंगबुमा भएको सामूहिक बलात्कार प्रकरणका नौ जना आरोपीलाई पुर्पक्षका लागि थुनामा पठाउन आदेश भएको छ । न्यायाधीश रामचन्द्र पौडेलको इजलासले बुधबार प्रकरणका नौ आरोपीलाई थुनामा पठाउने आदेश दिएको हो ।
अदालतको आदेशपछि मुगुका हिक्मत नेपाली, रतन नेपाली, सुरेश सेजवाल, दीपक नेपाली, शिवहरि बुढा, युवराज बडुवाल, हस्त नेपाली, चन्द्र साउद र अर्घाखाँचीका गोपाल शिरीषलाई अदालतको आदेश अनुसार केन्द्रीय कारागार चलान गरिएको काठमाडौं प्रहरीका एसपी दिनेशराज मैनालीले बताए ।
उनका अनुसार अदालतले प्रतिवादी बनाइएका तीन होटल सञ्चालकसँग चाहिँ ३/३ लाख रुपैयाँ धरौटी माग गरेको छ । उनीहरू धरौटी बुझाएर छुटेका छन् ।पीडित महिलाले १२ पुस साँझदेखि भोलिपल्टसम्म गोंगबुको तीनवटा होटलमा आफूमाथि बलात्कार भएको भन्दै प्रहरी प्रभाग, बसपार्कमा जानकारी गराएकी थिइन् । प्रहरी कहाँ खबर पुगेलगत्तै महानगरीय प्रहरी वृत्त, महाराजगञ्ज र काठमाडौं प्रहरी परिसर, टेकुको टोली अनुसन्धानमा खटिएको थियो ।
सीसी क्यामरा फुटेज विश्लेषणका आधारमा प्रहरीले विभिन्न ठाउँबाट उनीहरुलाई पक्राउ गरेको थियो ।
महिलाको बयानअनुसार उनी सुर्खेतबाट काठमाडौं आएकी थिइन् । बसपार्कमा एक जना व्यक्तिले उनलाई भेटेर काम दिलाइदिने आवाश्वसन दिए ।‘ती व्यक्तिको नम्बर उनले राखेकी रैछिन् / पीडितले खबर गर्नेवित्तिकै बसपार्क प्रहरीले त्यही नम्बरमा फोन गरेछ । सीसी क्यामरा विश्लेषणका आधारमा ९ जनालाई पक्राउ गरिसकेको थियो ।
बसपार्कका शंकास्पद होटलहरुको सीसी टिभी फुटेज हेर्दा एउटामा पीडित महिला देखिइन् ।‘सँगै रहेका पुरुषलाई देखाएर सोध्दा उनले अन्तिममा आफूमाथि करणी गर्ने व्यक्ति त्यही भएको बताइन् / त्यसपछि त्यो हुलियाको व्यक्तिबारे अनुसन्धान गर्दा उनी त्रिभुवन अन्तर्राष्ट्रिय विमानस्थल पुगिसकेको खुल्यो ।
अर्घाखाँचीको शीतगंगा नगरपालिका–१२ का गोपालकुमार शिरिष थिए । ‘उनको राति ११ बजेको फ्लाइट रहेछ, बलात्कारमा संलग्न देखिएपछि विमानस्थलबाटै पक्राउ गरेको थियो । सीसी टीभी फुटेजकै आधारमा अनुसन्धान गरिरहँदा थप व्यक्तिहरु पनि पक्राउ पर्दै गए । ‘पक्राउ पर्नेका बयानबाट हेर्दा घटना तीन वटा ठाउँमा भएको थियो ।
फेसबुकबाट तपाईको प्रतिक्रिया !