काठमाडौ । नेपाल प्रहरीमा महानिरीक्षक शैलेश थापा क्षेत्रीकाे अवकाशकाे दिन नजिकिदै गर्दा उनलाई बदनाम हुने गरि प्रवन्धमा सामान खरिदका ठेक्काकाे तयारी भैरहेको छ। आगामी बैशाख १९ गते आइजिपी थापा र उनकाे समूहका अधिकृतहरू तीसबर्षे सेवा अवधिकाे कारण अवकाश हुदैछन् ।
उनी आइजिपी भए पछि भएका खरिद प्रक्रियामा कहीँ कतै बिबादमा परेका त छैनन् तर प्रबन्धमा बसेर खुलेयाम भ्रष्टाचार गरेकाहरूलाई उनले न त हटाए न त भ्रष्टाचारको छानबिन नै गरे । नेपाल प्रहरीमा सामान सप्लाई गर्ने ठेकेदारहरूले आफुहरूले विगतका बर्षहरूमा जस्तै ठेक्का पाएकाे रकमको प्रतिशतकाे आधारमा कमिशन बुझाउनु परिरहेको बताए ।
एडभान्स लिदा पनि कमिशन बुझाउनुपर्ने , म्याद थप गर्दा पनि कमिशन बुझाउनुपर्ने मात्रै हाेइन सामानको भुक्तानी लिए पछि पनि कमिशन बुझाउनुपर्ने बाध्यता रहेको छ। प्रतिशतकाे आधारमा कमिशन बुझाउने कुरा आइजिपीलाई थाहा छ भन्दै एक ठेकेदारले भने , हामीले आइजिपी कहाँ कुरा पनि पुर्यायाै तर कुनै सुनुवाइ नै भएन।
अहिले फेरि नयाँ निकाल्न लागेको टेण्डरमा पनि त्यस्तै सेटिङ गरि ठूलो कमिशनकाे चलखेल भैरहेको छ। अहिले अण्डरभेष्ट ट्राउजर , प्लेन डांङ्गरी र ब्याङकेटकाे टेण्डर निकाल्ने अन्तिम तयारी भैरहेको छ। उक्त टेण्डरमा केही ठेकेदारबाट माेटाे रकम कमिशन लिएर उनीहरूकाे स्पेक ( नमुना ) राखेर टेण्डर निकाल्ने तयारी भैरहेको प्रबन्धमा कार्यरत एक असईले जानकारी दिए।
जस्तो प्लेन डाङ्रीमा ७५ प्रतिशत पाेलिष्टर र २५ प्रतिशत भिसकाेस राखी २२५ जिएसएम राखेर टेण्डर निकाल्ने तयारी भैरहेको उनले जानकारी दिए। अहिले यो सेटिङ मिलाउने र निश्चित ठेकेदारकाे स्पेक राखेर टेण्डर मिलाउने काम एसपी प्रेम बस्नेतले गरिरहेकाे पनि उजागर भएको छ।
फेसबुकबाट तपाईको प्रतिक्रिया !