राजविराज । सप्तरी प्रहरीले ठुलो मात्रामा लागूऔषधसहति ४ जनालाई पक्राउ गरेको छ । जिल्ला प्रहरी कार्यालय सप्तरीमा आइतबार पत्रकार सम्मेल गरी उनीहरुलाई सार्वननिक गरेका छन् ।
राजविराजबाट काठमाडौंको लागि त्यारी अवस्थमा राखिएको बसको डिकिबाट लागुऔषध बरामद भएको सप्तरी प्रहरीले जनाएको छ ।
गोप्य सूचानाको आधारमा जिल्ला प्रहरी कार्यालयबाट खटिएको प्रहरी टोलिले राजविराज नगरपालिका वडा नम्वर २ स्थित गुलाब ग्यारेज अगाडी बस पार्कीङ गरी राखेको अवस्थमा चेक जाँच गर्दा उक्त परिणामको लागुऔषध बरामद भएको सप्तरीका एसपी अविनारायण काफ्लले जानकारी दिए ।
बसको डिकिमा बोराभित्र लागुऔषध भेटिएपछि दुई जनालाई नियन्त्रणमा लिइएको प्रहरीले जनाएको छ । पक्राउ पर्नेमा सप्तरीको कंचनरुप नगरपालिका वडा नम्वर ८ बस्ने ३६ वर्षीय संजय भुजेल र बोदेबरसाईन नगरपालिका वडा नम्वर ५ जाँजर बस्ने २१ वर्षीय अब्दुल रहेका छन् ।
प्रहरीले एउटा बसबाट नाईटे«भेट १० लेखिएको ७० पत्ता २ हजार १ सय ट्यावलेट, एसपीएम पाइरोक्सभेन क्यापसु्ल २ सय ८८ थान र डाईलेक्स डीसी १०० एमेल ३ सय ९९ थान बोतल लागुऔषध बरामद गरेको छ ।पक्राउ परेका दुईबैजनालाई लागुऔषध सम्बन्धीमा म्याद थप गरी जिल्ला अदालत सप्तरीबाट म्याद थप गरी अनुसन्धान भईरहेको सप्तरीका एसपी काफ्लले जानकारी दिए ।
यस्तै प्रहरीले सप्तरीबाटै खैरो हिरोईन (ब्राउन सुगर) सहित दुई जनालाई पक्राउ गरिएको छ ।पक्राउ पर्नेहरुमा सिरहाको लम्मीपुरपताईर गाउँपालिका वडा नम्वर ३ बस्ने २८ वर्षीय प्रमानन्द साह र सिरहाकै धनगढीमाई नगरपालिका वडा नम्वर ११ बस्ने २८ वर्षीय दिपेन्द्र कुमार महतो रहेको जिल्ला प्रहरी कार्यालय सप्तरीले जनाएको छ ।
उनीहरुलाई प्रहरीले हनुमाननगर कंकालिनी नगरपालिका वडा नम्वर १ स्थित पूर्व–पश्चि लोकमार्ग स्थित कंकालिनी मन्दिर अगाडी चेक जाँच गर्ने क्रममा मोटरसाईकलमा सवार रहेको दुबै जनाको साथबाट ब्राउन सुगर ८ ग्राम ५५० मिलि ग्राम लागुऔषध बरामद भएको प्रहरीले जनाएको छ ।जिल्ला अदालत सप्तरीबाट म्याद थप गरी थप अनुसन्धान भईरहेको प्रहरीले जनाएको छ ।
