काठमाडौं । नेकपा एमालेमा नेता भीम आचार्यले सचिवमा उम्मेदवारी दिएका छन् । चितवनमा जारी एमालेको १०औं महाधिवेशन अन्तरगत आचार्यले सचिवमा उम्मेदवारी दिएका हुन् ।
अध्यक्ष मण्डलका अध्यक्ष केपी शर्मा ओलीले घोषणा गरेको पदाधिकारी सूचीमा नपरेपछि आचार्यले सचिवमा उम्मेदवारी दर्ता गरेका हुन् । कोरोना संक्रमणको उपचारका क्रममा रहेका आचार्यले मनोनयनस्थलमै पुगेर उम्मेदवारी दिएका हुन् ।
यसअघि ओलीले घोषणा गरेको पदाधिकारीको सूचीमा नपरेका नेता भीम रावलले अध्यक्षका लागि र घनश्यम भुषालले उपाध्यक्षको लागि उम्मेदवारी दर्ता गराइसकेका छन् ।
