काठमाडौ । नेपाल प्रहरी एवं सशस्त्र प्रहरीको सेटिङ र संरक्षणमा धनुषाका केही नाकाहरूबाट व्यापक तस्करी भैरहेको छ। धनाैजी, महिनाथपुर नाकाबाट यसरी दुबै प्रहरीको संरक्षणमा तस्करी माैलाइ रहेको छ। सशस्त्र प्रहरीको तर्फबाट दुई नम्बर प्रदेश भरि स्क्वार्ड टाेलीकाे नाममा सिभिल प्रहरी परिचालन गरिए पनि उक्त टाेलीले धनुषाको तस्करी नियन्त्रण गर्न सकेको छैन भने तस्करीको सामानहरू पनि पक्राउ गर्न सकेको छैन ।
यसबाहेक धनुषा स्थित गणबाट पनि घुमुवा परिचालन भए पनि तस्करीको सामान पक्राउ परेको छैन ।यसबाट तस्करीमा सशस्त्र प्रहरीकाे संरक्षण रहेको पुष्टि हुन्छ । नेपाल प्रहरीको हकमा एसपी बसन्त रजाैरेले सरूवा भए देखि तस्करहरूबाट रकम लिएको देखिएको छैन तापनि मातहतका इप्रका , चाैकी र घुमुवाहरूले भने व्यापारी अनि तस्करहरूबाट रकम लिने काम गरिरहेका छन् ।
तस्करीको लाइन पाउनेहरूमा समतुल्ला २० हजार , नइमनियां १८ हजार , धर्मेन्द्र साह २० हजार , जीतु साह १० हजार , सुरेन्द्र मण्डल १५ हजार , मुकेश राय १० हजार , संजय गिरी १५ हजार , सुशील साह १० हजार , सहिद मियाँ २० हजार र बरतुल्ला खान २५ हजार रहेका छन् । यिनीहरूले नेपाल प्रहरी र सशस्त्र प्रहरीको रूटमा पर्ने प्रत्येक युनिटलाई यति रूपैयाँकाे दरले रकम दिएर तस्करी धन्दा चलाई रहेका छन् ।
