काठमाडौं। क्यासिनो सञ्चालकहरुले क्यासिनो सञ्चालन गरे बापत् सरकारलाई तिनुपर्ने रोयल्टी बापत्को रकम अझै बुझाएका छैनन् । क्यासिनो सञ्चालन गरेर करोडौं रुपैयाँ कमाए पनि क्यासिनो सञ्चालकहरुले सरकारलाई क्यासिनो सञ्चालन गरे बापत् बुझाउनु पर्ने न्यून अंश वर्षौ बित्दा पनि नबुझाई अटेर गरेर बसेका हुुन । सातवटा क्यासिनोले सरकारलाई बुझाउनुपर्ने रोयल्टीको बक्यौता दुई अर्ब रुपैयाँ पुगेको छ। नेपाल पर्यटन विभागले आठ वर्षदेखि रोयल्टी नउठेको जनाएको छ।
कुमारीचोक तथा केन्द्रीय तहसील कार्यालयका अनुसार नेपाल रिक्रीयसन सेन्टर प्रालि, दि फुलबारी लिमेटड, अन्नपूर्ण इन्टरनेशनल प्रा.लि दरबारमार्ग, होटेल एभरेष्ट इन्टरनेशनल प्रा.लि नयाँ बानेश्वर, होटेल सोल्टी प्रा.लि ताहचल, ह्यापी आवर प्रा.लि लगायत नाम चलेका क्यासिनोहरु रहेकाछन् भने उनीहरुले सरकारलाई रोयल्टीबापत् तिर्नुपर्ने बक्यौता दुई अर्ब रुपैयाँ पुगेको छ।
पटक पटक ताकेता गर्दा पनि सातवटा क्यासिनो उद्योग संचालकले रोयल्टी नतिरेपछि जरिवाना खेपिएर करिब दुई अर्ब रुपैयाँ हुन पुगेको नेपाल पर्यटन विभागले जनाएको छ। सुरुका केही वर्ष व्यवसाय चल्दै चलेन भनेर छुट पाउँदै आएका क्यासिनोलाई पछिल्ला वर्ष कोरोना संक्रमणका कारण समग्र पर्यटन उद्योग समस्यामा परेको भन्दै सरकारले बक्यौताबारे सोध्नै छाडेको छ।गत असारसम्म फूलबारी रिसोर्ट, ह्यापी आवर, नेपाल रिक्रिएसन सेन्टर, होटल याक एण्ड यती, सोल्टी होटल, होटल एभरेष्ट, अन्नपूर्ण इन्टरनेशनल लगायत कम्पनीबाट कुल एक अर्ब ९० करोड ९९ लाख ५५ हजार नौ सय २६ रुपैयाँ असुल हुन बाँकी रहेको केन्द्रिय तहसील कार्यालयले जनाएको छ।यी क्यासिनोले तोकेको समयमा रोयल्टी नतिरेका कारण ब्याज मात्र ६५ करोड ८३ हजार ६९ हजार रुपैयाँ कायम भएको तहसील कार्यालयले जनाएको छ।
फूलबारी रिसोर्ट ३७,६४,१६,७५७/-
ह्याप्पी आवर १०,५७,९५,६६४/-
नेपाल रिक्रिएशन सेन्टर ८१,६४,७६,४३२/-
होटल याक एण्ड यती १८,१२,१५,७५३/-
सोल्टी होटल ९,३५,९६,३४६/-
होटल एभरेष्ट इन्टरनेशनल १५,८०,३९,२१२/-
अन्नपूर्ण इन्टरनेशनल १७,८४,१५,७६१/-
अन्तरिम देशको भरमा चल्दै आएको स्रोतले जनाएको छ। सेन्ट्रल मिडिया, रक इन्टरनेशनल, ह्याप्पी आवर लगायत मिनी क्यासिनोबाट आउनुपर्ने बक्यौता चुक्ता भएको छैन।
प्रत्येक वर्ष नवीकरण गर्नुपर्छ। पहिला एउटै लाइसेन्सले १० वटासम्म क्यासिनो चलाउन पाइने व्यवस्था थियो। यी कम्पनीले चार वटासम्म संचालन गर्दै आएका थिए। यी कम्पनीको नवीकरणको मुद्दाका कारण रोयल्टी तिर्न आनाकानी गर्दै आएको हो।
आर्थिक २०७३/७४ बाट एउटा लाइसेन्सले एउटा क्यासिनो मात्र संचालन गर्न पाउने निर्णय भएसँगै यी व्यवसायी अदालतमा गएका थिए। अदालतले बक्यौताको कुरा नगरी ‘क्यासिनो संचालन गर्न देउ’ भनेर आदेश दिएको थियो। पर्यटन विभागका अनुसार हरेक वर्ष गरिने मिनी क्यासिनोको नवीकरण दस्तुर ५० लाख रुपैयाँ छ भने ठूला लाइभ क्यासिनो शुल्क एक करोड २५ लाख रुपैयाँ छ। हाल मुलुकभर साना ठुला गरी १९ वटा क्यासनो सञ्चालनमा छन्।
यि कम्पनीका सञ्चालकहरुमा क्रमश क्यासिनो अन्नपूर्ण ईन्टरनेशनल प्रा.लिका महाप्रवन्धक तप्तबहादुर बिष्ट, होटेल एभरेष्ट ईन्टरनेशनल प्रा.लिका सञ्चालक मशकुर अहमद, होटेल सोल्टी प्रा.लि सञ्चालक दिनेश बहादुर विष्ट र ह्यापी आवर प्रा.लिसञ्चालक गोर्कण लामिछाने रहेकाछन् । पछिल्लो सयम कार्यालयले करोडौं वक्यौता नतिर्ने क्यासिनको सञ्चालकहरुको तीनपुस्ते विवरण सार्वजनिक गरेको छ भने तीनपुस्ते विवरण सार्वजनिक हुनेमा क्यासिनो सञ्चालक राकेश बाधवा (भारत), पियुष बहादुर अमात्य (पोखरा), राधेश्याम सर्राफ (काठमाडौं), सुरेन्द्र बहादुर सिह र केटसरिन सीम्हना रहेकाछन् ।
क्यासिनो सञ्चालकहरुलाई सरकारी बाँकी साँवा रकम अर्थात् वक्यौता र सोमा नियमानुसार लाग्ने ब्याज समेत बुझाई आ–आफनो नामको लगत कट्टा गर्न आर्थिक कार्यविधि तथा वित्तीय उत्तरदायित्व नियमावली, २०७७ को नियम ११४ को उपनियम (१) बमोजिम सबैलाई आग्रह गर्ने गरेको छ भने सो अनुसार क्यासिनो सञ्चालकहरुले रोयल्टी नतिरेको खण्डमा भने नियमसंगत रुपमा सार्वजनिक सूचना गर्ने तथा जायजेथा जफत गर्ने लगायतको कामकारबाही अगाडि बढाउने गरेको छ ।
