सर्लाही । ब्रह्माकुमारी राजयोग सेवा केन्द्र मलंगवाद्वारा शनिबार आयोजित सेवा केन्द्रको २५ औं रजत जयन्ती महोत्सवको समुद्घाटन समारोह लाई सम्बोधन गर्दै संघीय सरकारका माननीय कृषि तथा पशुपन्छि विकास मन्त्री महेन्द्र राय यादवले भने, समाजमा मेलमिलाप र धार्मिक सहिष्णुता अपरिहार्य रहेको उनले बताएका छन् । समाजमा मेलमिलाप र धार्मिक सहिष्णुतालाई बलियो बनाउनमा ब्रह्माकुमारी राजयोगको ठूलो योगदान रहेको मन्त्री यादवले बताए ।
बहुआयामिक उदेश्यका साथ अगाडी बढ्दै गरेको यस राजयोगले सादा जीवन र उच्च विचारको मार्ग जिवनको मुख्य मार्ग भएको र सो मार्गमा समाजलाई ल्याएर समाजिक रुपान्तरणमा महत्वपूर्ण भुमिका खेलेको समेत मन्त्री यादवले जनाए ।
धर्मले हामिलाई बाड्ने काम गरेको र मानवताको धर्म मात्र मूल धर्म भएको बताउदै मन्त्री यादवले भने, आपसी वैमनस्यता र दुरिलाई जोड्ने काम ब्रह्माकुमारी राजयोगले गर्दै आएकोले समाजमा सद्भाव र प्रेमको वातावरण स्थापित गर्नमा आ आफ्नो ठाउँबाट सबैजना लाग्नु पर्नेमा उनले जोड दिए ।
कार्यक्रमको प्रमुख अतिथि रहेका मन्त्री यादवले समुद्घाटन समारोहको औपचारिक सुरुवात गरेका थिए ।
ब्रह्माकुमारी राजयोग सेवा केन्द्र मलंगवाले एक कार्यक्रमको आयोजना गरि सेवा केन्द्रको २५ औं रजत जयन्ती महोत्सव समारोह शनिबार धुमधामका साथ मनाएको हो ।
ब्रह्माकुमारी राजयोग सेवा केन्द्र नेपालका निर्देशक राजयोगिनी ब्रह्माकुमारी राज दादिको सभापतित्वमा भएको समुद्घाटन समारोह कार्यक्रममा विशिष्ट अतिथी सर्लाही निर्वाचन क्षेत्र नं. २ ‘क’ बाट प्रत्यक्ष निर्वाचित प्रदेश सांसद मा. संजय कुमार यादव रहेका थिए । कार्यक्रममा जिल्ला समन्वय समितिका प्रमुख मेथुर चौधरी, मलंगवा नपाका मेयर निरसल साह, कबिलासी नपाका मेयर कौशल किशोर यादव, प्रमुख जिल्ला अधिकारी बाबुराम खतिवडा, सर्लाही प्रहरी प्रमुख एसपी कृष्ण प्रसाईं, डा. अब्दुल रहिम मिकरानी, जसपा सर्लाही निर्वाचन क्षेत्र नं. २ का क्षेत्रीय इन्चार्ज राम बिनय राय, पुर्व कैम्पस चिफ कृष्ण देव यादव, उद्योगी संजय गुप्ता, पुष्प रन्जितकार लगायत नागरिक समाज, अवकाश प्राप्त शिक्षकहरु, बुद्धिजीवि, कर्मचारी, कृषक वर्ग, विद्यार्थी, पत्रकार, राजयोगका पदाधिकारीहरु र आम जनसमुदाय समेतको भव्य उपस्थिती रहेको थियो ।
मन्त्री यादवले गरे पार्टी कार्यालयको उद्घाटन
जनता समाजवादी पार्टी (जसपा) नेपालको जिल्ला कार्यसमिति सर्लाहीद्वारा शनिबार आयोजित एक कार्यक्रमका बिच संघीय सरकारका माननीय कृषि तथा पशुपन्छि विकास मन्त्री महेन्द्र राय यादवले जिल्ला पार्टी कार्यालयको उद्घाटन गरेका छन् ।
पार्टी कार्यालयको उद्घाटन समारोहलाई सम्बोधन गर्दै मन्त्री यादवले भने, सहज हिसाबले पार्टीको कामकाज निरन्तर संचालन गर्न र पार्टीका कार्यकर्ता र जनताहरुलाई सहज एवं स्तरिय सेवा प्रवाह गर्न पार्टी कार्यालय सक्रिय भएर लाग्ने उनले बताए ।
उद्घाटन समारोह कार्यक्रममा सर्लाही निर्वाचन क्षेत्र नं. २ ‘क’ बाट प्रत्यक्ष निर्वाचित प्रदेश सांसद मा. संजय कुमार यादव, जिल्ला समन्वय समितिका प्रमुख मेथुर चौधरी, कबिलासी नपाका मेयर कौशल किशोर यादव, जसपाका जिल्ला अध्यक्ष बिरेन्द्र राय, जसपा सर्लाही निर्वाचन क्षेत्र नं. २ का क्षेत्रीय इन्चार्ज राम बिनय राय लगायत जिल्ला तहका नेता तथा कार्यकर्ताहरु, पत्रकार र आम जनसमुदाय समेतको भव्य उपस्थिती रहेको थियो ।
