राैतहट। सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय महोत्तरीबाट खटिएको इस्कार्वड टिमले राैतहटकाे बंकुल हुदै भारतबाट आएकाे तस्करीको कपडा बरामद गरेको छ।
झण्डै तीन लाख भन्दा बढिकाे उक्त तस्करीको कपडा बंकुल बिओपीमा बुझाएको र बिओपीले राैतहट भन्सार दाखिला गरेको सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय महोत्तरिले जानकारी दिएको छ।
त्यसैगरी ; सशस्त्र प्रहरी बल, नेपाल नम्बर २ छिन्नमस्ता बाहिनी मुख्यालय महोत्तरीबाट मन्तोष कुमार सिंहको कमान्डमा ८ जनाको इस्कार्वड टिमले विशेष सूचनाको अधारमा धनुषाबाट ८ वटा ड्राेन क्यामारा पक्राउ गरेको छ। एप्पल ब्राण्डका उक्त क्यामारा चर्चित तस्कर बिन्देश्वर नायकको भएको सशस्त्र प्रहरीले जानकारी दिएकाे छ।
महाेत्तरी मटियानी घर भए पनि धनुषाका विभिन्न नाकाबाट तस्करी धन्दा गर्दै आएका बिन्देश्वरले लामो समयदेखि धनुषा स्थित सशस्त्र प्रहरी बल नेपालका घुमुवाहरूलाई मिलाएर ड्राेन क्यामाराकाे तस्करी धन्दा गर्दै आएकाे सशस्त्र स्रोत बताउँछ । नेपालमा झण्डै डेढ लाख सम्म पर्ने उक्त क्यामारा भारतीय बजारमा तीन लाख सम्म बिक्री हुने गरेको छ।
यसरी तस्करीकाे ड्राेन क्यामारा पक्राउ परेको पहिलो पटक हो । सशस्त्र प्रहरी नायब महानिरीक्षक गणेश ठाडा मगर दुई नम्बर प्रदेश आए पछिकाे यो दुई महिना बीचको अबधिमा झण्डै दस कराेड भन्दा बढीको तस्करीकाे सामान बरामद भैसकेको छ।
