अर्घाखाँची । जिल्ला प्रहरी कार्यालय अर्घाखाँचीले व्यक्ति हत्याका फरार प्रतिवादीलाई २२ वर्षपछि पक्राउ गर्न सफल भएको छ । साविक जलुके गाविस–४ हाल सितगंगा नगरपालिका–७ का खिमबहादुर पुलामीलाई फरार रहेको २२ वर्षपछि पक्राउ गरिएको प्रहरीले जनाएको छ ।
जिल्ला अदालत अर्घाखाँचीले २०५६ साल असार १८ गते पुलामी सहितका ४ जनालाई कर्तब्य ज्यान मुद्दामा १९ वर्ष ११ महिना १० दिन कैद सजायको फैसला गरेको थियो । अर्घाखाँचीका प्रहरी प्रमुख डिएसपी अमर थापाका अनुसार पुलामीसहित ४ जनाको साङ्घातिक आक्रमणबाट स्थानीय भीमबहादुर क्षेत्रीको निर्मम हत्या गरिएको थियो । हत्यामा संलग्नमध्ये दुई जनाको मृत्यु भइसकेको छ ।
