काठमाडौं । महाकाली सन्धिपछि भारतको सबैभन्दा निकटतम केपी शर्मा ओली रहेको खुलेको छ । नेपालका लागि पूर्वराजदूत रञ्जित रेले नै यसको खुलासा गरेका हुन् । ओली ‘राष्ट्रवाद’को मुखुण्डो पूर्वराजदूत रेले आफ्नो भर्खरै प्रकाशित किताव ‘काठमाडौं डिलेमा रिसेटिङ इन्डिया–नेपाल टाइज’मा खोलिदिएका हुन् ।
चर्का राष्ट्रवादका कुरा गर्ने ओलीले महाकाली सन्धि गर्ने बेला खरबौंको बिजुली उत्पादन हुने हावादारी कुरा गरेका थिए, तर २८ बर्ष पुगिसक्दा पनि एक युनिट बिजुली पनि उत्पादन हुन नसकेको यथार्थता सबैले देखेका छन् ।
नाकाबन्दीको समयमा भारतबिरुद्ध अडान लिएको र चुच्चे नक्सा जारी गरेकोमा ओलीलाई राष्ट्रवादी जामा पहिर्याइएको छ । तर ओलीलाई त्यसरी राष्ट्रवादी जामा पहिर्याउने काम भारतीय डिजाइनमै भएको रहेछ भन्ने कुरा त नागरिकता बिधेयक ल्याएपछि छताछुल्ल भइसकेको छ ।
नागरिकता बिधेयक जारी भए भारतीय बुहारीहरुको आगमन नेपालले धान्नै नसक्ने, बिहारमा बिहेकै मण्डपमा नागरिकता पुग्ने जस्ता चर्का भाषण गरेका ओलीले आफ्नो सत्ता बचाउन नागरिकता बिधेयक जारी गरेपछि उनको राष्ट्रवादी मुखुण्डो ह्वाङ्गै उघ्रिएको थियो । भारतका असली सेवक ओलीलाई नाकाबन्दीमा राष्ट्रवादी बनाउने डिजाइन पनि भारतले नै गरेको मध्यरातमा ‘रअ’का प्रमुख सामन्त गोयललाई भेटेर पुष्टि गरेका छन् ।
ओलीले पछिल्लो समय भारतसँग एक्लै लड्न–भिड्न सक्ने राष्ट्रवादी छवि बनाएको भाषण गर्दैआएका छन् । तर उनी कस्ता राष्ट्रवादी रहेछन्, भारतले नै संरक्षण र पालनपोषण गरेका राष्ट्रवादी रहेको रेको पुस्तकले खोलिदिएको छ ।
रेले ओलीलाई नजिबाट चिनेको तथा बुझेको पनि उल्लेख गरेका छन् । ओलीसँगै पत्नी राधिका शाक्य र विद्यादेवी भण्डारीको पनि आतिथ्यता पटक–पटक पाएका उनले बताएका छन् ।
‘मैले ओलीको आतिथ्य धेरैपटक पाएको छु, उहाँसहित उहाँको पत्नी राधिका शाक्य र विद्यादेवी भण्डारीबाट पनि आथित्यता पाएको छु । एकपटक विद्या भण्डारीसहित नेता ओली र म बबरमहल रिभिजिटेडमा लन्चमा गएका थियौँ ।’
उनले ओलीले जे जस्तै असहमति र असहज स्थितिमाझ पनि केपी ओलीसँग आफूले संवाद खुला गरेको विगतलाई पनि पुस्तकमा समेटेका छन् ।
उनले छन्, ‘ओली निवासमा मलाई स्वागत गर्न नचाहेको बेला र ओली इन्डिया हाउसमा आउन नचाहँदा बबरमलतिर व्यपारीको घरमा भेट गर्ने गथ्र्यौं ।’ तर ती ब्यापारी को थिए भन्ने पुस्तकमा खुलाइएको छैन ।
भारतले लाख दुई लाखका योजना नेपालका गाउँगाउँमा सोझै लगानी गर्न पाउने पूर्वप्रधानमन्त्री सूर्यबहादुर थापाले गरेको निर्णयलाई पनि ओलीले निरन्तरता दिई नै रहेका छन् । अरु धेरै बिषयमा भारतका चाहना र योजना ओलीले पूरा गरिदिएका छन् । विस्तारै खुल्दै जाने नै छन् । ओलीले चुच्चे नक्साको कुरा गर्ने गर्दछन्, तर क्षेत्रफल सार्वजनिक गर्न उनले नै रोकेको भूमिब्यवस्था मन्त्रालयका कर्मचारीलाई थाहा छ ।
नापी विभागले २०७७ असोजमा चुच्चे नक्साको क्षेत्रफल भूमिब्यवस्था मन्त्रालयलमा पठाएको थियो, तर ओलीकै निर्देशनमा तत्कालीन मन्त्री पदमा अर्यालले मन्त्रिपरिषदमा उक्त क्षेत्रफल अनुमोदन गर्न प्रस्ताव नै नलगेको जगजाहेर छ । यसले पनि चुच्चे नक्सा उनले राष्ट्रवादी देखिनका लागि मात्र ल्याएको पुष्टि भइसकेको छ । चुच्चे नक्सा ओलीले ल्याए, तर भारतले गरिरहेको मानसरोबरसम्म जाने सडक निर्माण रोक्नेतर्फ एउटा विज्ञप्तिसम्म पनि निकाल्न नसकेको पनि यथार्थ हो ।
चुच्चे नक्सा कागजमा समेट्दा नै आफू ‘महान राष्ट्रवादी’ हुने भएकाले भारतकै डिजाइन अनुसार उनले त्यसो गरेको प्रकारान्तरले पुष्टि गरिरहेका छन् । भूमि दिनु नपर्ने भएकाले भारतले पनि ओलीको त्यो राष्ट्रवादी कहलाउने योजनामा गुप्तरुपमा साथ दिएको त ओलीलाई सत्तामा टिकाउन भारतले तत्कालीन जसपालाई गरेको उपयोगले पनि पुष्टी गरेकै हो ।
