सप्तरी । सप्तरी प्रहरीले ८५ कार्टुन स्याउसहित सोमबार एकजनालाई पक्राउ गरेको छ । पक्राउ पर्नेमा हनुमाननगर कंकालिनी नगरपालिका १२ निवासी शिवम पण्डित छन् । सोमबार भारततर्फ २ वटा ठेलामा राखेर लैजाँदा गर्दा एक जना भागेको र पण्डितलाई पक्राउ गरिएको प्रहरीले जनाएको छ । २५ कार्टुन राखेर लैजाँदा गर्दा पक्राउ परेका पण्डितले स्थानीय मनोज मुखियाको गोठबाट उक्त स्याउ ल्याएको बताएका थिए ।
मुखियाको गोठमा पुग्दा थप ६० कार्टुन स्याउ बरामद भएको प्रहरीको भनाई छ ।पक्राउ परेका पण्डितलाई स्याउ ठेलासहित आवश्यक कार्वाहीका लागि राजविराज भन्सार कार्यालय बुझाइएको सप्तरी प्रहरीका प्रबक्ता एवं डीएसपी माधव प्रसाद काफ्लेले जानकारी दिए । बरामद भएको तस्करीकाे स्याउ व्यापारी श्याम साहकाे भएको खुलेको छ। उनी हनुमाननगर नजिकका व्यापारी हुन ।
